کولت. آذ عصار تبریزینین مهر و مشتری عصرین‌دن "مشترینین مهردن آیریلیق حالی" آدلی بیر پارچانی تقدیم ائدیر:

شاپور مهری آییردیق‌دا مشتری‌دن ناگهان،
مشترینین اوریین‌دن قوپدو ناله، آه، فغان.

مهری بیر ده گؤرمدیک‌ده، اوریینی قم آلدی،
گؤزلرین‌ده گوندوز بئله گئجه کیمی قارال‌دی.

فلک کیمی هیجر علین‌دن اولموش ایدی سرگردان،
اتیینی ایسلادیردی گؤز یاشلاری آنباان.

اودلو آهی یوکسلیردی آسیمانا دالبادال،
بالیغی دا گؤز یاشلاری قرق ائدردی احتیمال.

غنچه کیمی دوداقلاری باغلی، قلبی قان ایدی،
داریخماق‌دان پتک کیمی سینه‌سی شان-شان ایدی.

قیزیلگولتک قیزاراراق اود توتموش‌دو بوتون جان،
یاسه‌مه‌نین یارپاغیتک تیترییردی دورمادان.

دؤزمه‌یه‌رک لاله کیمی اوریینی داغلاردی،
گاه باشینا تورپاق سپیب ایچین-ایچین آغلاردی.

اؤز آهین‌دان باشقا یوخ‌دو اونون یاخین هم‌ده‌می،
نه ده قانلی گؤز یاشین‌دان باشقا کؤنول محرمی.

مهری یادا سالدیقجا او، اودلانیردی اوریی.
بو آغری‌دان، بو عذاب‌دان قوووشوردو کوریی.

آغلی تامام کوتلشمیش‌دی، درک ائتمیردی درسینی،
صورتی‌سه گؤستریردی جان‌سیز دیوار عکسینی.

بیر نئی کیمی اینلییردی اؤز ایچین‌ده موشتری،
مئی تک گیزلی بیر آتش‌دن ارییردی جیری.

باش یاستیغا قویماییردی گئجه‌لری سوبهه‌جه‌ن،
قیوریلیردی قلب یان‌دیران آیریلیغین علین‌دن.

غم‌دن باشقا یئدیی شئی سوفره‌سین‌ده یوخ ایدی،
اوزین‌ده هیجران قمی، کؤنول دردی چوخ ایدی.

اؤزونو ده اونوتموش‌دو، قورخو یوخ‌دو جانین‌دا،
معناسیزدی گؤردوکلری هر شئی اونون یانین‌دا.

بولود کیمی توتولموش‌دو، آچیلمیردی او بیر آن،
گؤز یاشلاری گؤزه دؤن‌دو یانار کؤنول اودون‌دان