کولت. آذ نوسرت کسمنلینین "دونه‌ن تویون ایدی..." آدلی شعیرینی تقدیم ائدیر:

ساغلیقلار دئییل‌دی چیغیر-باغیرلا،
اوشویه‌ن قلبینه گیره‌ن اولدومو؟
گؤزون‌دن قلبینه دوشه‌ن جیغیرلا،
آخان گؤز یاشینی گؤره‌ن اولدومو؟

ساغ‌لیقلار اوزاندی... سحره کیمی،
چالیب-اوینادیلار، کئف ائیله‌دیلر
چیرپیب پیلله‌لره سون اومی‌دی‌می
"واغزالی" اوستون‌ده دفن ائیله‌دیلر

سون اومید! او منیم گرییم ایدی...
یولونا شام توت‌دو نئجه قیز-گلین،
شام دئییل! او منیم اورییم ایدی:
سون دفعه یانیردی یولون‌دا سنین.

گئتدین... او کهنه یول نور یولو ایدی.
ایزین دوشه‌ن یئرده گول آجمادی کی؟
اؤزگیله کئجیردین او یولو ایندی،
آیاغین آلتین‌دان یئر قاچمادی کی؟

بو یوللار نه یامان وفاسیز ایمیش،
نیه چیلیکلنیب تؤکولمه‌دیلر
دوشوب قده‌مینه هر ائنیش،یوخوش،
نیه اورییمه جکیلمه‌دیلر...

باشینا گول-چیجک سپ‌دیلر او گون،
آلیشان قلبینه سو سپمه‌دیلر.
"گئت" دئییب آلنین‌دان اؤپدولر او گون،
سینیق تالئیینی دوزلتمه‌دیلر....

گولدون...
گولوشونون اؤمرو جوخ قیسا...
بیر هسرت آخیردی قانین‌دا سنین.
اوردا بوتون یئرلر توتولموش‌دوسا
یئریم گؤرونوردو یانین‌دا سنین

دونه‌ن تویون ایدی... خوشبخت اولاسان!
گؤرونور بو بیزه قیسمت دئییلمیش
اونوت!
ائله بیل کی سئودیین اوغلان
گئتدیین اوغلانمیش،
نوسرت دئییلمیش...