کولت. آذ عثمان سار وللینین" یاخین سیرداش کیمی، یاخین دوست کیمی " آدلی شعیرینی تقدیم ائدیر:

قوللارین بوینوما سالدی بو یئرلر
منیم بیر نیسگیلیم واردیر ازلدن
اوخشاییب قلبیمی آلدی بو یئرلر

آشیق ائلدن آلیر اؤز نفسینی
گلدیم ائشیتمه‌ یه ائلین سسینی
کؤنلومون دیل آچان کامانچاسینی
ظریف اللریله چالدی بو یئرلر

گؤیلره اوچسام دا باغلییام سنه
عزیز دوغما یوردا دوغما وطنه
مین ائلده مین نعمت دادمیشام، یئنه
شکردی بو یئرلر بالدی بو یئرلر

اوبانین-اویماغین سوردوم یاشینی
داغلار تعظیم ائدیب اَیدی باشینی
او دم عالیم کیمی چاتیب قاشینی
درین خیاللارا دالدی بو یئرلر

"ویدادی" خانلاردان گؤرمه دی کرم
"واقیف"ه داغ چکدی بوردا مین صنم
اؤلدو قوچ "کوراوغلو" اؤلدو خان "کرم"
سینه سی کدرلی قالدی بو یئرلر

کیم مینیر قازاغین دیلبوز آتینی؟
گؤتورور تویلارین شال-خلعتینی
شئعیرین- صنعتین موکافاتینی
هر زامان هر یئرده آلدی بو یئرلر