ایر اؤزوزو جیددی ادبیات اوخوجوسو بیلمیرسیز؛ اوندا بلکه «بوغاناق» اوخوماق اوچون سیزه چتین اولا. «بوغاناق»ین نشری بیزیم مدرن ادبیاتیمیزدا بویوک بیر حادیثه‌ایدی.

و اوندان بویوک حادثه بو رومانین یازاری محمد ملک‌نژاد اولومو. محمد ملک‌نژاد تکجه کیتابینن کایان اولدوز کیمی آذربایجان قارانلیق گئجه‌سیندن بیر آن پارلادی.

سید_حیدر_بیات بو کتاب حاقدا یازمیشدی: «بوغاناق رومانینین یولونو آز گؤزله‌مه‌میشدیک. بوغاناغی یازماق، ایتگین بیر سس(لر)ین ایزلرینی توپلوم و تاریخیمیزین کابوسلو آلت قاتلاریندا آراماق ایدی. اومورام ادبیات قفسه‌میزده اؤز یئرینی تاپار.»

#سعید_موغانلی، محمد ملک‌نژاد باره‌سینده یازیب: «او‌ حزین سس، بو‌ خالقین سسی ایدی، غریبجه‌سینه سوسدو!» #نگار_خیاوی، محمد ملک‌نژاد باره‌‍ده یازیب: «گلین اَیری اوتوروب دوز دانیشاق، ملک‌نژادین یازدیغی اثری قارشیسندا لال اولوب سوسموش ادبیات چئوره‌میز حکومتین باسقی‌سی آلتیندایدی می؟ ملک‌نژادین یازدیغی اثری تانیتدیرماغا، باره‌سینده تنقیدی مقاله‌لر یازماغا حکومت قاداغا قویموشدومو؟ گؤرَسن گئجه-گوندوز سوسیال شبکه‌لرده دولانان ادبیاتچی‌لارا حکومت طرفیندن ملک‌نژادین بوغاناق‌ی باره‌ده یازمالاری یاساقلانمیشدی می؟

یوخ، بونلار دئییل، ملک نژاد یییه‌سیزلیکدن، ادبیات چارخیمیزین لنگ‌لیییندن، ایشین چاتیشمازلیغیندان اورَیی پاتلادی.»

هله گله‌جک‌ده بو کیتاب باره‌ده چوخلاری یازاق، بوغاناق و محمد ملک‌نژاد آدلاری همشه بیزیم یادداشیمیزدا اولاجاق.