کولت.آذ حیدر بیاتین شعیرینی تقدیم ادیر:

من اولار قوردلارین سسینه گئتدیم
یئییلم دیدیلم گمیریلم
آنجاق بیر یول.

شیطان دئدی:
من ایدیم
قورد سسی چیخارتدیم
نه سانیبسان
حیاتین ایلک سیررینی بیلن من ایدیم
سسینی چیخارتدیم
ازل گونوندن بیر دقیقه سونرا
سورگون دوشموشم و هر آن دیدیلیر گمیریلیرم
شیطان دئدی منیدیم
روحونو منه سات
سونرا دئدی
یوخ ساتما
حیاتین سیررینه واران هرکس اؤزو شیطان‌دیر
و هر آن دیدیلیر گمیریلیر
*
اولار قوردلارین سسینه گئتدیم
سس کسیلدی آزدیم
آی ایشیغی اوجالاردان منی سسله‌دی
هوی‌ی‌ی‌ی گل سنه یول گؤرسدیم
سایمادیم
اوشاقلیقدا یوخودا گؤرموشدوم:
گونشله آی و اون ایکی اولدوز
هر بیریسی اون ایکی ایشیق ساچیپ منی اون ایکی یئره آزدیردیلار
سایمادیم
قارانلیقلاری آختاردیم
هر قارانلیغا دوغرو گئتدیمسه
ایشیق ایشیلداییردی اوره‌یینده
و من گئری دؤنوردوم
*
اولار قوردلارین سسینه گئتدیم
بیریول آختارماغا
قورد منه دئدی باخ
افسانه‌لرده اوخویوپسان قوردلار یول گؤستره‌ر
اما هئچ قورد اؤز ایچینده آزمیشلارا یول گؤستره بیلمدی
دئدیم یولومو اؤز ایچیمده تاپابیله‌جه‌یم می؟
دئدی بیلمیرم آنجاق اؤز ایچینده سونا کیمی ایت
ایت
ایت
ایت
سنه آنجاق بونو دئیه بیلرم.

دؤندوم اؤز ایچیمده
ایتمه‌یه باشلیام
باشیم داشا ده‌یدی
اؤز ایچیمده یول سونا چاتمیشدی
اؤز ایچیمین قاپیسینا دوغرو گئتدیم
قاپیسی باغلییدی