کولت. آز نوسرت کسمنلینین "اؤزون ییخیلیب‌سان..."آدلی شئیرینی تقدیم ائدر:

آمان‌دیر، قلبینی بئله سیخما، گل،
بیر کؤرپو سالمیشام، سینماز، قورخما، گل،
سن الله، اوزومه ائله باخما گل،
اؤزون ییخیلیب‌سان، دور، آلاگؤزلوم.

اوشاق دئییلدین کی، یاشی سؤیه‌سه‌ن،
ناشی گونلرینی، ناشی سؤیه‌سه‌ن،
داشا دیمدین کی، داشی سؤیه‌سه‌ن،
اؤزون ییخیلیب‌سان، دور، آلاگؤزلوم.

دئ، کیملر ترپت‌دی سنی یئرین‌دن؟
بون‌دان سونراسینی دوشون درین‌دن،
قلبیمین الچاتماز زیروه‌لرین‌دن
اؤزون ییخیلیب‌سان، دور، آلاگوزلوم...

تالئیین قدرله گؤروش‌دو سنین،
گؤردویون یوخولار قاریش‌دی سنین.
آیاغین دوز یئرده سوروش‌دو سنین،
اؤزون ییخیلیب‌سان، دور، آلاگؤزلوم...

باشین‌دا توفانتک من اسممیشه‌م،
اوزاق یول گلمیشه‌م، تلسممیشه‌م،
سنین کن‌دیرینی من کسممیشه‌م،
اؤزون ییخیلیب‌سان، دور، آلاگؤزلوم...

گؤر نلر بوی‌لانیر گلجیین‌دن،
قورخ یادلارین سنه گولجیین‌دن،
تالئیین چوروموش یئللنجیین‌دن
اؤزون ییخیلیب‌سان، دور، آلاگؤزلوم.

گؤزلدیین سئوینج گله‌جک هاردان،
سان بیر سیم کیمی قیریلدین تاردان،
سادته طرف گئدن قاتاردان
اؤزون ییخیلیب‌سان، دور، آلاگؤزلوم...

کولک سوووران کول گوزو اؤرتمور کی،
یانین‌دان سایمازجا یوزو اؤتور کی،
اؤزون ییخیلیب‌سان، دور، آلاگوزلوم.

قورویان بولاقلار چاغلاماز، آخی.
بولودلار یاغیشی ساخلاماز، آخی،
اؤزو ییخیلانلار آغلاماز، آخی،
اؤزون ییخیلیب‌سان، دور، آلاگؤزلوم...