کولت. آز نظامی گنجوینین "خئییر و شر" پوئماسین‌دان بیر پارچا تقدیم ائدیر:

بیر گون خئییر و شر آدلی ایکی جاوان اؤز شهرلرین‌دن چیخیب باشقا بیر شهره یوللان‌دیلار. یول اوچون تداروک گؤرموش، آزوگه گؤتورموش‌دولر. بیر نئچه گون یول گئتدیک‌دن سونرا خئییر آزوقه‌سینی آچیب اورتایا گویور. شر ایسه اؤز آزوقه‌سینی ساخلاییردی.

بیر خئی‌لی گئدن‌دن سونرا ائله بیر چؤله چات‌دیلار کی، بورکو تن‌دیر آلووو کیمی اوز قارسیردی. شر بو اوزون چؤل‌دن خبردار ایدی. اونا گؤره ده مئشکین‌ده سودان ساخلامیش‌دی. خئییر ایسه بون‌دان خبرسیز ایدی. گومان ائدیردی کی، بوتون یول بویو سو اولاجاق.

اونلار سوسوز چؤل‌ده یئددی گون یول گئت‌دیلر. خئیرین سویو قورتارمیش‌دی. سوسوزلوق‌دان یانیردی. شر ایسه ساخلادیغی سودان خلوتچه ایچیردی. خئییر سوسوز اولسا دا، اونا یالواریب سو ایسته‌یه بیلمه‌دی، باخا-باخا قال‌دی. آخیردا سوسوزلوق‌دان جیری یان‌دی. بیر آزدان سونرا بو سوسوز یول‌چو لاپ دیل‌دن دوش‌دو. یانین‌دا اود کیمی قیزاران للی وار ایدی. آنجاق نه ائد‌سه‌ن، بئله یئرده للی سو اوزی ایچمک اولماز کی! یازیق خئییر لللری چیخاریب شرین قاباغینا قوی‌دو:

-سوسوزلوق‌دان یاندیم، – دئدی،- الاج ائله. بیر ایچیم سو وئر؛ یا یولداش‌لیق نامینه، یا دا نئچه‌یه دئییرسن سات. شر آدینا موناسیب دانیش‌دی:

– من داشورک‌لی آدامام، من‌دن مرهمت اومما. من چوخلارینا تله قورموشام، چوخ دیولر آلداتمیشام، سنینن کلیینه‌می اویاجاغام؟ سن بو دار گون‌ده لللری منه وئریب سوسوزلوغونو سؤن‌دورمک ایستییرسن. شهره قایی‌دان‌دا توتوب گئری آلاجاق‌سان. من بئله گؤوهره سو وئرمره‌م. ائله بیر گؤوهر ایستییرم کی، گئری آلا بیلمه‌یه‌سه‌ن.

خئییر سوروش‌دو:

– هان‌سی گؤوهردیر او؟ دئ، بو ساعت وئریم!

شر دئدی:

-من سنین گؤزلرینی ایستییرم. اونلاری گئری آلماق مومکون اولماز. گؤزلرینی وئر، سو ایچ! یوخ‌سا بیر دامجی دا وئرمره‌م!

خئییر دئدی:

-اینساف‌سیز اولما، بیر ایچیم سو اوچون گؤزلری‌می ایستییرسن؟ گؤزومو چیخارماقلا علینه نه گله‌جک؟ تاماهین گوج گتیریرسه باها سات، قیزیل-گوموش ایسته، للی ده آل، باشقا نییم وار هامی‌سینی آل، منه سو وئر! دیلیم‌دن کاغیذ وئرره‌م، آند ایچره‌م کی، دونیادا نه وار-دؤولتیم وارسا هامی‌سی سنین اولسون!

آنجاق گؤزومه دیمه. بیر ایچیم سو اوچون رحیم‌سیزلیک ائل‌مه!

شر دئدیین‌دن دؤنمه‌دی:

– بو سؤزلر ابس‌دیر! سوسوزلوق‌دان سن بو ساعت بوتون وار-یوخ‌دان ال چکیرسن. آنجاق داردان قورتاران‌دا هامی‌سینی داناجاق‌سان. من گؤوهر- زاد ایستهمیرم. وئریرسن گؤزلرینی وئر، وئرمیرسن سودان تاماهینی چک!

داها اطراف‌لی ویدئودا: