کولت. آز گونئی‌لی شاعر غلامرضا بخشینین شئیرینی تقدیم ائدیر:

عشقیمده سنین دلده سنین جاندا سنیندی
قانوندا سنین دین ایله ایماندا سنیندی
بو خیردا اوره کده بؤیوک آرزو منه وئردین
قلبیمده سنین رگده سنین قاندا سنیندی
بو گؤزده اگر فيرلانا مین حور ایله قلمان
بو گؤزده سنین حور ایله قلماندا سنیندی
واردی هوسیم كهلییه جیرانلارا حدسیز
كهلیك ده سنین منده و جیراندا سنیندی
چوخ جاذبه لی سنده یاراتدین بو جهانی
هر جذبه سنین حکموله فرماندا سنیندی

گوللر ناز ائدیر بولبوله هر گون گئجه گوندوز
گوندوزده سنین شامدا سنین دان دا سنیندی
هر لحظه گلیر عالمه عاقیل نئجه ناقص
عاقیلده سنین ناقص نالان دا سنیندی
باشقا یارادیبسان پاشانی بولبولون اولسون
پاشا کي سنین بولبول خوش خواندا سنیندی