کولت. آذ سلیمان روستمین اوستاد شهریارا حصر ائتیی اثردن بیر حیصه‌نی تقدیم ائدیر:

گل سؤیلییم اورییمین سؤزونو،
بیر کره ده گؤرممیشه‌م اوزونو.
نیگارارانام یئتیر منه اؤزونو
محببتین باغریم‌دادیر، شهریار،
منیم اورک آغریم‌دادیر، شهریار.

کیم دئییر کی، لیسانیمیز آیری‌دیر؟
نه آدیمیز، نه سانیمیز آیری‌دیر.
نه جانیمیز، نه قانیمیز آیری‌دیر
اورک بیردیر، بده‌ن بیردیر، شهریار،
وطن بیردیر، وطن بیردیر، شهریار!

بئشیکده‌کی قوش یوخولو کؤرپه‌لر،
دوداقلاری سود قوخولو کؤرپه‌لر،
بابالاری داغدان اولو کؤرپه‌لر
بیزی اوز ائد‌جکلر، شهریار،
یولوموزلا گئده‌جکلر، شهریار!

گل باکییا، باغیم، باغچام گوله‌ن‌ده،
بیرجه اوووج تورپاق گتیر گلن‌ده،
دوستلار قاتسین تورپاغیما اؤلن‌ده
بلکه اوندا کاما چاتیم، شهریار،
سون منزیل‌ده راحت یاتیم، شهریار.