کولت. آذ علی آغا واحیدین اؤز ایفاسین‌دا "بیلمه‌م" غزلینی تقدیم ائدیر:

بیلمه‌م، بو نازه‌نین کیمین ایستک‌لی یاری‌دیر؟
یا هان‌سی بختیارلارین بختیاری‌دیر!

آچدیقجا گول جمالینی، ائللر فرح‌لنیر،
گویا، گؤزل‌لیک عالمینین نووباهاری‌دیر.

دونیا بو نازه‌نین ملکین حسرتین چکیر،
خلقین سئویم‌لی آفتی، هم شهریاری‌دیر.

یوز دفعه یانساق عشق اودونا، قورخو بیلمریک،
چونکی دیاریمیز بیزیم اودلار دیاری‌دیر.

بیر واخت سجدگاه ایدی آتشپرستلره،
شهری-صبا کی، مرکزی دریا کناری‌دیر.

قان ائتمه، ساقی، باغریمیزی، باده تئز گتیر،
دول‌دور قدحلری، گئجه‌میز کئچدی، یاری‌دیر.

هر کیم دئییرسه، سئومه بو رعنا گؤزللری،
بیلمیر کی، سئوگی عالمی بییختیاری‌دیر.

بیر گون گلر کی، من گئدره‌م، خلق سؤیلیر:
بیچاره واحدین بو غزل یادیگاریدیر.