کولت. آذ علی صفر اوغلونون شئیرینی تقدیم ائدیر:

منی یارادان آلله، یئره - گؤیه یارادیب،
دمیرچی زیندانیندا، دؤیه-دؤیه یارادیب
منی یارادان بیلیر ، نییه منی یارادیب
من مجلیس آدامی یام، من دسگاه آدامی یام.

زامان گونلردن کئچیر، گونی - گوندن آییرما
یئددی رنگ وار، یئددی سس، اونو- اوندن آییرما
لاپ قیامت قوپسادا منی مندن آییرما
من بیر شاعیر بابایام، من آلله آدامی یام.

بیراز گئنیش یاشادیم، دارسیزلیغا دؤزمه دیم
یاریما جانیم دئدیم، یارسیزلیغا دؤزمه دیم
عارسیز اولان دونیادا ، عارسیزلیغا دؤزمه دیم
منیم سیلاحیم سؤزدور، من سیلاح آدامی یام.

قدیم تاریخ یاشاییر شؤهرتیم ده-شانیمدا
حاققین سسی چاغلاییر اوره ییمده-جانیمدا
بیر موسیقی چالینیر داماریمدا-قانیمدا
من چهارگاه آدامی، من سه گاه آدامی یام.

بعضأ شیطان گوج گلیب یولون گئتمیشم آلله
عاغلیم باشا گلنده اؤلوب-ایتمیشم آلله
نه گوناهلار ایشله دیب، نه لر إئتمیشم آلله
من بیر ناله آدامی، من بیر آه آدامی یام.

نه اولسون کی آرا بیر دانیشیرام - گولورم
آلله لا تک قالاندا گؤز یاشیمی سیلیرم
منه ائیهان وورمایین ، اؤز سهمیمی بیلیرم
من قباحت اهلی یم، من گوناه آدامی یام.

دونیانین گوناهلاری نه منده دیر- نه سنده
بوتون عؤمروم اوزونو حالال-حارام یئسم ده
منه فیکیر وئرمه یین، من چوخ من - من دئسم ده
حاق یانیندا عاجیزم، من پناه آدامی یام.

من عؤمور کیتابی یام، قارالی یام- آغ لی یام
بیراز سینه آغری لی - بیراز سینه داغلی یام
بیر آلله بنده سی یم "علی صفر اوغلو" یام
من بو گونلوک دئییلم، من صاباح آدامی یام.