کولت. آز اوشاق ادبیاتی سیل‌سیله‌سین‌دن اوشاقلارین دوستو زاهید خلیلین "سلام، ملیک!" شعرینی تقدیم ائدیر:

سلام، ملیک،
وارمی اریک؟
- تورپاغیمیز اریک‌لی‌دی.
سویادیمیز ملیک‌لی‌دی!
اوچ قارداشیق،
اوچ سیرداشیق.
قار ملیک‌دی بو آغبه‌نیز،
گؤی ملیک‌دی گؤزو دنیز.
من ده کی، ساری ملییه‌م.
اؤزوم بوی‌دا بیر ارییه‌م.
اکیلیب‌دی، دارانیب‌دی،
بیزیم اریک باغلاریمیز.
کوروغ‌لودان یادیگاردی،
بو کلبوینوز بیغلاریمیز.
بو باغلاردا قیزیلدویمه،
ساریگیله اریکلر وار.
الیاچیق، قلبیاچیق،
شئشبیغ‌لی ملیکلر وار.
لیمون، اریک سولانیب‌دی.
آغ اریکلر باللانیب‌دی.
قیزاریب‌دی، آللانیب‌دی،
سالخیم - سالخیم ساللانیب‌دی.
دریلمه‌سه، هله گونون
شواسینی ام‌سی‌دی.
یاشیلپالتار آغاجلارین
زرلی، قیزیل دویمه‌سی‌دی.
هره‌سی بیر خیردا گونش
تئز اول، حسن،
تئز اول، مینش،
خبر وئرین اوشاقلارا.
دیرماشین گؤی بوداقلارا
یئیین دادلی اریکلری
شاد ائلیین ملیکلری.
اریک دول‌دو سبتلره.
واخت قالمادی صحبتلره.
هامی سئودی، ملیکلری،
دادلی – دادلی اریکلری.
* * *
- آی آغ ملیک،
آی گؤی ملیک
ساری ملیک.
وارمی اریک؟
یومرو اریک، بال‌لی اریک،
یاناقلاری خال‌لی اریک.
- پاییز گلیب، اریک یوخ‌دو!
یئر سویوق‌دو، گؤی سویوق‌دو.
باخ، گؤر نئجه ساللانیب‌دی
بیزیم شئشه بیغلاریمیز!
آز قالیر کی، اریک کیمی
یئره دوشه بیغلاریمیز.
* * *

آی اوشاقلار، یاخین گئدین
سلام وئرین ملیکلره.
بئل گؤتورون، سو گتیرین،
قوللوق ائدین اریکلره.
تک یای‌دا یوخ، بوتون ایلی
یادا سالین ملیکلری
اوندا هر یای یئیرسینیز
شکر کیمی اریکلری.