کولت. آذ اوشاقلارین دوستو زاهید خلیلین بالاجالار اوچون نظرده توتدوغو "پئچئنیئ‌دن یارانمیش قیز" شعرینی تقدیم ائدیر:

بیر دفعه گنجه‌نین بیسکویت فابریکین‌ده پئچئنیئ‌دن بیر قیز دوزلت‌دیلر. بورنو خالص مارمئلاددان، گؤزلری موروق مورببه‌سین‌دن، قولاقلاری و آغزی قایماق‌دان ایدی.
قیز کوچه‌یه چیخان‌دا بیر گؤریدینیز اوشاقلار اونا نئجه باخیر. ائله همین گون آیری بیر اهوالات دا اولدو. بولودلار گؤیون اوزونو توت‌دو، دونیاگؤرموش آداملار دئدی کی، بو عادی بولود دئییل.
بیر آزدان دوغرودان دا قئیری-عادی بیر یاغیش یاغماغا باشلادی. گؤی‌دن چیلک شیره‌سی تؤکولوردو. اوشاقلار اول یاغیشین دادینا باخ‌دیلار. اصیل چیلک شیره‌سی ایدی. سونرا گؤردولر کی، چیلک یاغیشی پئچئنیئ قیزی قیپقیرمیزی رنگه بویاییب. هر طرف‌دن تؤکولوب گل‌دیلر. قیزی یالاماغا باشلادیلار. آخی پالتاری ایسلاندیغی اوچون او آغلایا بیلردی. پئچئنیئ ایله چیلیین بیر لذت‌لی دادی اولورموش، گل گؤره‌سه‌ن. قوجا بیر کیشی ایسه هئی قیشقیردی:
—من نوه‌مین گؤزلرینی دونیادا هر شئی‌دن چوخ سئویرم. اجازه وئرین بو قیزین گؤزلرینی یئییم.

قوجا اونون گؤزلرینی یئیندن سونرا داها دایانماق اولاردیمی؟ اوشاقلار قیزی نئجه یالادیلارسا بیر ده گؤردولر کی، داها هئچ نه قالماییب. یاغیش دا بیر آزدان کسدی.

ایندی یاشی دوخسانا چاتمیش قوجالاردان بو احوالاتی سوروشسانیز یقین کی، یادلارین‌دا بیر شئی قالمیش اولار. هئچ بئله حادثه‌نی اونوتماق مومکون‌دورمو؟!