کولت. آذ گؤرکه‌م‌لی شاعریمیز صمد وورغونون گنج‌لیک سئوگیسی ایله باغلی بیر خاطره‌سینی تقدیم ائدیر:

گؤرکملی شاعریمیز صمد وورغون گنج یاشلارین‌دا دورره آدلی بیر خانمی سئومیش، لاکین بو سئوگی ناکام سونلوقلا بیتمیش‌دیر. دورره باشقا شخصله عائله قورموشدور. صمد وورغون دورره خانیما حصر ائتدیی سئوگی شعیرلرینی بیر آرایا گتیرمیش و «اؤلن شعیرلریم» آدینی وئرمیشدیر.

زامان کئچیر، صمد وورغون یاواش-یاواش دورره‌نین عشقینی اونودور و عبدالله شایقین بالدیزی خاور خانیملا عائله قورور. دوستلاری زارافاتلا صمد وورغونا دئینده کی، «اؤلن شعیرلریندن نه خبر؟»، صمد وورغون جواب وئریرمیش کی: «شعیر ده هئچ اؤلرمی؟...»
صمد وورغون آرتیق یاواش-یاواش تانینیر و خالق طرفین‌دن سئویلیردی. بیر گون صمد وورغونلا گؤروش کئچیریله‌ن زامان دورره ده اؤز حیات یولداشی ایله بیرلیکده همین تدبیره گلیر. تدبیردن سونرا دورره صمد وورغونا یاخینلاشیب دئییر:
- چوخ دا قورره‌له‌نمه، شاعر! سنی شاعر ائلیه‌ن من اولدوم، منه اولان سئوگین سایه‌سین‌ده شعیرلر یازدین.
صمد وورغون ایسه بئله جواب وئریر:

- اگر بئله‌دیرسه، نیه ارین شاعر اولمادی؟