کولت. آذ بالاجالارین دوستو زاهید خلیلین "ماشقا" حکایه‌سینی تقدیم ائدیر:

آیسئل ایته ده، پیشییه ده ماشقا دئییر. اؤزو ده ماشقالارین هامی‌سینی چوخ ایستییر. اما ماشقالار اونو قتیین ایستمیرلر. هارادا گل‌دی بالاجا علینی یا دیشلییر، یا دا جیرماقلاییرلار. بیر ده گؤرورسه‌ن کی، آیسئلین گؤزلرین‌دن یاش آخیر. ننه‌سی هیجانلا سوروشور:

-نوولوب؟
-ماشقا دیشله‌دی.
-آی بالام، بو ائوین ایچین‌ده ماشقا هاردادی آخی؟
-بودئی، کیتابین اوستون‌ده. ننه‌سی کیتابین اوستون‌ده چکیلمیش پیشیک شکیللرینی گؤرور. تئز نوه‌سینین آغلایان بارماغینی اؤپور. یارا ائله او ساعت ساغالیر.

بیر دفعه ننه گؤردو کی، آیسئل بیر ورقی دیدیشدیریر.
-نئینیرسن؟ دفتری نیه جیریرسان؟
-آخی گونئل اونون اوستونه ماشقا شک‌لی چکمک ایستییردی. اونون چکمک ایستدیی او ماشقا منیم بارماغینی دیشله‌یه‌جک. ورقی جیریرام کی، ماشقانی چکه بیلمه‌سین.

گونئل ایسه ورق جیریلدیغی اوچون قومون اوستون‌ده قشنگ بیر ایت شکلی چکدی. ایت قویروغونو دیک توتوب دیلینی چؤله چیخارتمیشدی. لاپ جان‌لی ایت کیمی دایانمیشدی. آیسئل یاواش-یاواش یاخین گلیب ساغ آیاغی ایله اونون قویروغونو تاپ‌دالادی و ق ایشقیریب ننه‌سینین اوستونه قاچدی.

-یئنه نه اولدو؟-دئیه ننه‌سی اوشاغین تیر-تیر اسن اللریندن یاپیشدی.
-ماشقا دیشله‌دی. قویروغو ایله دیشله‌دی. تئز اول اؤپ. هه، باخ بوردا ایشلر چتینلشدی. آخی ننه‌سی اونون پالچیق‌لی دابانین‌دان نئجه اؤپیدی؟! اؤپمسیدی ده آیسئل گؤز یاشینی کسن دئییلدی.

-آخی سنین دابانین پالچیق‌دی. نئجه اؤپوم؟ گل بئله ائدک. من الیمی اؤپوم و یاپیش‌دیریم سنین یارانین اوستونه. ننه‌سی الینی اؤپوب نوه‌سینین یاراسینا یاپیشدیران کیمی آیسئلین یاراسی ساغالدی و قیز دوروب گئتدی یئنه ده ماشقا ایله اویناماغا.