کولت. آذ بختیار واهابزادنین "تک‌لیک"شعیرینی چایرین اؤز ایفاسین‌دا تقدیم ائدیر:

خیال گاه داغدادیر گاه دا آران‌دا
گاه گؤیه یوکسلیر، گاه ائنیر اینسان.
اوتاق‌دا ۱ ساعت تک اوتوران‌دا،
۱۰۰ ایلین دردیله یوک‌لنیر اینسان.

ائله بیل دیوارلار گلیر اوستونه
قولاغین سس‌لنیر، قلبین دؤیونور.
آلیشیب یانیرسان سن اؤز توستونه،
نیدالار گؤزون‌ده سوالا دؤنور.

اینسانی تئز یورار دوشونجه‌لر ده،
وئریب نفه‌سینی درد اودار اینسان.
اؤزون‌دن باشقاسی اولمایان یئرده،
اینسان اولدوغونو اونودار اینسان…

بیر گونش بس ائدر، پریشان اولما،
سنین یوز کور قدر گؤز یاشین اولسا.
مین درد هوجوم ائتسه، کؤنول، سیخیلما،
بیر نفر درد بیله‌ن سیرداشین اولسا.

دونیایا گلمدیک بیز ابس یئره،
اینسانیق اینسان دا بیزه گرک‌دیر.
باغاتک قینینا چکیله‌نلره
اورک نه گرک‌دیر، دیل نه گرک‌دیر.

چای چایا قوووشماز سولار داشماسا،
اولدوزون اولدوزلا اونسیتی وار.
گؤی‌ده بولودلار دا قوشالاشماسا
نه ایلدیریم چاخار نه یاغیش یاغار.

یول تاپا بیلرمی ساز اورکلره،
میزراب آستا-آستا تئله دیمه‌سه؟
چیخارمی قؤنچه‌دن تک بیرجه کره،
بولبولون نفه‌سی گوله دیمه‌سه؟

اؤز ائل-اوباسینی ترک ائتدیین‌دن
تک-تنها دولانیر بایقوش بو گون ده.
کوللارین دیبین‌ده تک بیتدیین‌دن،
بوینو بوکوک اولور بنؤوشه‌نین ده.

اود وورماسا قاب‌دا سو داشا بیلمز،
قوش دا تک قانادلا داغ آشا بیلمز.
کؤسؤیون ایکی‌سی چؤل‌ده ده یانار،
بیری اوجاق‌دا دا آلیشا بیلمز.

قلبیم‌ده مین سؤزوم، مین صحبتیم وار،
من دئییم، سیز دئیین، دیل یورولماسین.
ییغیلین، ییغیلین باشیما دوستلار،
منیم بیر گونوم ده سیزسیز اولماسین.

دوستلارین قلبی‌دیر یوردوم، مسکه‌نیم،
اورک‌ده بیر نیسگیل گرک اولماسین.
ساغلیغیم بیر یانا، آ دوستلار، منیم؛
سویوق مزاریم دا هئچ تک اولماسین