کولت. آز موسا یاقوبون "بیر گوناه سنین‌دیر، بیر گوناه منیم..." آدلی شئیرینی تقدیم ائدیر:

بیر گؤزونو من ایدیم،بیر گؤزونو سن،
نیه نارازیییق بو ترزی‌دن؟
سن چئشمه قورودان،من آغاج کسه‌ن،
بیر گوناه سنین‌دیر،بیر گوناه منیم.

بو سوده سو قاتیب هره بیر قاشیق،
آرینی شکره داداندیرمیشیق.
بازارین یاغی شور،بالی قاریشیق،
او متاه سنین‌دیر،بو متاه منیم.

سؤز سؤزه گلن‌ده سن نف‌سی قیران،
من دونیا مالینا گؤز یوموب دوران.
اما آیری‌لیق‌دا داشی دا یاران،
بیر تاماه سنین‌دیر،بیر تاماه منیم.

گؤروروک بو سلاح وورمور هدفه،
وورمور،ها آتیریق مینینجی دفعه.
الیمیز دولاشیب دوشوب کلفه،
بو ال گاه سنین‌دیر،بو ال گاه منیم.

قویما یالانیمیز قالخ‌سین آیاغا،
های دئییریک،هایا گلمیریک،قاغا.
سؤزو گولشدیریب اهدی دانماغا،
بیر واللاه سنین‌دیر،بیر واللاه منیم.

یامانجا اوستاییق هر احتیاط‌دا،
دوستلوق شیرنی‌سی ده دیلیمیز آلت‌دا.
اما یامان گونه الیمیز آلت‌دا،
بیر سلاح سنین‌دیر،بیر سلاح منیم.

عؤمور تسل‌لی‌دی،اومید صاباح‌دی،
ایندی اؤز خئیرینه چوخو آگاه‌دی.
هره دولانیشا بیر جور نیگاه‌دی،
بیر نیگاه سنین‌دیر،بیر نیگاه منیم.

اوردا بولانیق سو هوپور تورپاغا،
بوردا اوزه چیخیب دؤنور بولاغا.
هله کی واختیمیز وار دورولماغا،
بیر صاباح سنین‌دیر، بیر صاباح منیم...