کولت. آذ زاهید خلیلین "گونشین دنیزده قالان ساچلاری" آدلی حکایه‌نی تقدیم ائدیر:

بو احوالات اولان‌دا دونیا هله باش‌دان-باشا سو ایدی. بونا گؤره ده گونلرین بیر گونو اوفوق‌دن بوی‌لانان‌دا دنیزی گؤردو. گونش اوزون و ق ایزیلی ساچلارینی دنیزه ساللاییب یودو. قیزیلی ساچلاری ائله پاریلدادی کی، دنیزده‌کی بالیقلارین هره‌سی بو تئللرین بیرین‌دن یاپیش‌دی. بیر آزدان گونش اوفوقده یوخ اولان‌دا ساچلاری قیریلیب سولاردا قال‌دی.

سحر گونش اوفوق‌ده گؤرونه‌ن‌ده دنیز آز قالدی چاش‌سین. دوننکی ساریشین قیز قیپقیرمیزی اولموش‌دو. هیرسین‌دن قیزارمیش‌دی. ساچلارینین یاریسی دنیزده قالدیغی اوچون قیز بئله‌جه آلیشیب-یانیردی. —سنه نه اولوب؟- لپه‌لر پیچیلتی ایله سوروش‌دو.-داها بون‌دان آرتیق نه اولاجاق؟ ساچینین یاری‌سینی بالیقلار دنیزده ساخلاییبلار.

-ائله بونون اوچون بئله قیزارمی‌سان؟ سنین ساچلارین او قدر اوزون و او قدر چوخ‌دور کی، یئر اوزون‌ده هامییا چاتار.

-البته، هامییا چاتار،-دئیه بالیقلار باشلارینی قالدیردیلار و گؤزلری ایله گونشین دنیزده اوز‌ن ساچلارین‌دان یاپیش‌دیلار.

سن دئمه، بالیقلار گونشین ساچین‌دان میرواری دوزلدیب، آل یوسونلارین آراسین‌دا گیزلنمیش‌دیلر. میرواریلر اونا گؤره بئله پارلاق اولورموش. او، واخت‌دان بالیقلار هر گون گونشین ساچلارین‌دان یاپیشیب اوندان بیر آز قوپاردیر، گونش ایسه هر سحر بئله‌جه هیرسلی چیخیر، سونرا یوسونلارین آراسین‌داکی میرواریلری اوولکین‌دن داها پارلاق و گؤزل گؤرونور.