کولت. آذ مممد آرازین "دونیا سنین، دونیا منیم، دونیا هئچ کیمین" آدلی شعیرینی نورالدین مهدیخانلینین ایفاسین‌دا تقدیم ائدیر:

بیر تالعین اویونون‌دا جوتلنمیش زریک،
یوز ایل قوشا آتیلساق دا، قوشا دوشمریک.
بیر ذرره‌نین ایشیغینا میلیونلار شریک،
دونیا سنین، دونیا منیم، دونیا هئچ کیمین.

چئوره‌سین‌دن چیخ‌سا اگر سئودا فیرفیران،
بیر اومودون اتیین‌دن توتوب دا فیرلان.
ائشیدرسه‌ن پیچیلداییر ییخیلان، دوران،
دونیا سنین، دونیا منیم، دونیا هئچ کیمین.

بو گئت-گللر بازارینا دوه‌دی دونیا،
بو عؤمور گون ناخیشینا هوه‌دی دونیا.
اب‌دییه قه-قه چکر اب‌دی دونیا،
دونیا سنین، دونیا منیم، دونیا هئچ کیمین.

آیاق ساخلا، دؤوره‌نه باخ اؤتری بئله،
مین ایللردیر آراز بئله، هکری بئله.
آخشاملارین، سحرلرین تکری بئله،
دونیا سنین، دونیا منیم، دونیا هئچ کیمین.

گولونجلره گولونج گلن بو آدا گولدوم،
یوگه‌نینه هر ال یئته‌ن بو آتا گولدوم.
من اؤزومله اوینادیغیم شاهماتا گولدوم،
دونیا سنین، دونیا منیم، دونیا هئچ کیمین.