بیری وار ایدی، بیری یوخ ایدی، اللهین بندهسی چوخ ایدی، بیر کیشینن بیر آرواد وار ایدی.
گونلرین بیرینده ایش بئله گتیردی کی، بو کیشینین آروادی آزارلانیب اؤلدو. همین آرواددان فاتما آدیندا یئتیم بیر قیزی، بیر ده اوغلو قالدی. کیشی گؤردو کی، اوشاقلارا باخا بیلمهیهجک، اودو کی، آیری بیر آرواد آلدی. کیشینین بو آرواددان دا بیر قیزی اولدو، اما بو یامان کیفیر قیز ایدی. بو آرواد گلن گوندن یئتیم فاتمانی گؤزو گؤتورمهدی. اؤز قیزینین آدینی دا فاتما قویدو. اما بو قیزینان اونون آسیمان تافووتو وار ایدی. یئتیم فاتما گؤزل گؤیچک بیر قیز، چیرکین فاتما ایسه قارا کئچل ایدی. آنالیق یئتیم فاتماینان، اوغلانا گون وئریب، ایشیق وئرمیردی. اونلاری گاه سویا، گاه اودونا گؤندریردی. ائوده قاراباش کیمی ایشلدیردی.
گونلرین بیرینده آرواد ایکی آیاغین بیر باشماغا دیرهییب ارینه دئدی:
– کیشی، اگر بو اوشاقلاری آپاریب آزیتماسان، سنده اوتورمویاجام. منیم بو اوشاقلاردان زهلم گئدیر، اونلارا داها من باخا بیلمیرم.
کیشی نه قدر یالوار-یاپیش ائلهدی کی، آی آرواد، اینسافین اولسون، من بو بیر پارچا توفوللری هارا آزیدیم، یازیقدیلار، گئدرلر مئشهده قورد-قوش ییر. آروادین هیری توتموشدو، ائله نیرخ دئییب دوردو کی، اگر آزیتماسان گونونو قارا ائلییهجم. کیشی چوخ گؤتور-قوی ائلهدی، گؤردو کی، آیری الاجی یوخدو. فاتماینان اوغلونو گؤتوروب گئتدی مئشهیه. اوشاقلارینی آللادیب دئدی:
– بالالاریم، سیز موروق، چیلک ییغا-ییغا گئدین درهنین دیبینه، من ده بو بیری طرفدن بیر آز اودون قیریم، آخشاموستو گلیب سیزی ده گؤتوررم، گئدریک.
اوشاقلار آتالارینین سؤزونه ایناندیلار. موروق، چیلک ییغا-ییغا لاپ مئشهنین سیخ یئرینه چاتدیلار.
سیزه کیمنن دئییم، کیشیدن. کیشی اوشاقلاری آلدادیب بو طرفدن آغلایا-آغلایا، کور-پئشیمان قاییتدی ائوه. آخشام اولدو. قارانلیق دوشدو، مئشهده گؤز-گؤزو گؤرموردو. آیی، جاناوار، پلنگ، شیر مئشهیه بیر نریلتی، گورولتو، اینیلتی سالمیشدیلار کی، وهمهدن آدامین باغری چاتلاییردی. اوشاقلار ها گؤزلهدیلر، ددهلری گلیب چیخمادی. آخیردا الاجسیز قالیب بیر آغاجین باشینا چیخیب اورادا گئجهلهدیلر. ساباه تئزدن دوروب یول باشلادیلار بیر جیغیرنان گئتمهیه. آز گئتدیلر، اوز گئتدیلر، دره-تپه دوز گئتدیلر، گلیب بیر بولاغین باشینا چاتدیلار. فاتمانین قارداشی یامان سوسامیشدی. اؤزونو تئز وئردی بولاغین باشینا، ایستهدی سودان دویونجا ایچه. فاتما قویماق ایستمهدی، ائله بیل اوریینه داممیشدی کی، بو سودا بیر شئی وار. فاتما نه قدر ائلهدی کی، قارداشی سودان ایچمهسین، اولمادی. اوغلان آغزینی بولاغین گؤزونه دیریگیب سودان دویونجا ایچدی. او ساعت دؤنوب اولدو قارا بیر اینک، فاتما اوز-گؤزونو جیریب شیون سالدی کی، آی قارداش، سنه دئمدیممی ایچمه، ایندی من نئینیگیم، باشیما هارانین داشینی تؤکوم.
قارداشی دئدی:
– باجی، داها ایش-ایشدن کئچیب، منیمکی ده بئلیمیش، گل گئدک. اما بو سیرری نه باده بیر آداما دئیهسن ها!
فاتما اینیی ده قاباغینا سالیب آیاق لپیرینن او قدر گئتدی کی، مئشهدن چیخدی. بیر داغین باشینا چیخیب گؤردو کی، ائولری اوزاقدان گؤروکور. دوز گلدی ائولرینه. آرواد گؤردو کی، قیز گلدی، اما یعنیندا دا بیر قارا اینک. اولجه اوز-گؤزونو تورشوتدو، قاش-قاباغینی تؤکدو، ایستهدی قیزی قوولاسین. سونرا فیکیرلشدی کی، اوغلان یوخدو، یقین اؤلوب-ایتیب، مئشهده قالیب. قیز دا کی، بیر یاخشی اینینن گلیب. اینیی ساغیب یئیریک. بیر آزدان سونرا قیزی گئنه آزدیراریق، او دا ایتیب جهنمه واسیل اولار. کیشی ده قیزینی گؤروب بیر طرفدن سئویندی، بیر طرفدن ده اوغلونو یادینا سالیب بیکئیف اولدو.
آنالیق هر گون فاتمانین علینه بیر آز یون وئریب اینیی اوتارماغا گؤندرردی. فاتما آخشاما کیمی اینیی اوتاریر، آنالیغی وئردیگی یونو دا دیدیب اییرردی. بیر گون یئنه اینیی اوتاردیغی یئرده برک یئل اسدی، یئل فاتمانین یوماغینی گؤتوروب آپاردی. فاتما، “آ یئل بابا، یوماغیمی آپارما” – دئیه-دئیه یوگوروردو. یئل بابا یوماغی آپاریب بیر ائوین باجاسیننان ایچری سالدی. فاتما گلیب بو ائوین قاپیسینی دؤیدو. ایچریدن بدهئیبت بیر قاری چیخیب دئدی:
– آ بالا، نه وار، نه ایستییرسن؟
فاتما دئدی:
– قاری ننه، یئل بابا یوماغیمی سنین باجاننان ایچری سالدی، گلمیشم کی، اونو وئرهسن.
قاری دئدی:
– آ قیزیم، گل منیم باشیما باخ، سونرا یوماغینی وئریم.
فاتما راضی اولدو، ایچری گیریب گؤردو قارینین ائوی زیر-زیبیلنن دولودو. اودو کی، دئدی:
– قاری ننه، سوپورگنی وئر، ائوینی سوپوروم.
قاری سوپورگنی وئردی. فاتما ائوی سوپوروب تر-تمیز ائلهدی. سونرا دا باشلادی قارینین باشینا باخماغا، گؤردو کی، بونون باشی دولودو ایلان، چایاننان، باخدی کی، قارینین باشیندا بیتلر وار تیسباغا بویدا، بیره لر وار قورباغا بویدا.
قاری دئدی:
– آ قیزیم، دئ گؤروم سنین آنانین باشی قشنگدی، یوخسا منیم؟ منیم بیرهلریم قشنگدی، یوخسا اونون.
فاتما دئدی:
– آی ننه، البته، سنین باشین قشنگدی. سنین بیت، بیرهلرین ده لاپ سرچه، بولبول کیمی شئیلردی.
بو سؤزلر قارینین خوشونا گلدی، اودو کی، دئدی:
– بالا، بوردان گئدنده قاباغینا اوچ بولاق چیخاجاق، بیرینین سویو دوماغ، سود کیمی، او بیرینینکی قاپقارا شوه کیمی، بیرینین ده سویو قیپ-قیرمیزی لاله کیمی. آغ سودا سویونوب چیمرسن، قارا سودان دا ساچینا، قاشینا، کیرپیگینه چکرسن. قیرمیزی سودان دا یاناقلارینا، دوداقلارینا چکرسن. سونرا گئدیب قارا اینیین بیر بوینوزوننان یاغ، بیریننن ده بال امهجکسن.
فاتما قارینین یعنیندان چیخیب گلدی، یولدا گونچیخان طرفده قاباغینا بیر بولاق چیخدی، سویو دوماغ سود کیمی، گیریب سودا چیمدی. بیر آز گئدیب گونباتان طرفده ده بیر بولاغا راست اولدو. بو بولاغین سویو دا قاپقارا ایدی. فاتما بو سوینان باشینی یویوب، بیر آز دا قاشینا، کیرپیگینه چکدی. قیرمیزی سودان دا بیر آز یاناقلارینا، دوداقلارینا چکدی. فاتمانین گؤزللیگی بیر ایدی، ایندی اولدو مین. فاتما ائله بیر گؤزل قیز اولدو کی، هئچ میسلی-برابری اولمادی. آیا دئدی، سن چیخما، من چیخاجام، گونه دئدی، سن چیخما، من چیخاجام. یاناقلار قیپ-قیرمیزی آلما کیمی، دوداقلاری قایماق، دیشلری اینجی، گؤزو مارال گؤزو. نه دئییم، بیر باخان دئیردی بیر ده باخایدیم.
فاتما دوز گلیب چیخدی قارا اینیین یعنینا، اونون باشینی، گؤزونو سیغاللاییب باشلادی بوینوزلارینی عمهیه، گؤردو کی، دوغرودان دا، اینیین بیر بوینوزوننان یاغ، بیریننن ده بال گلیر. فاتما هر گون اینیین بوینوزلارینی امیب ائله کؤکلدی کی، لاپ بالیغا دؤندو. فاتمانین آنالیغینین بو ایشه هم پاخیللیغی توتدو، هم ده مات قالدی کی، گؤرن فاتما نئیلییر کی، بئله کؤکلیب، قشنگلشیر. اودو کی، ساباهدان اؤز کئچل قیزینی دا قوشدو فاتمانین یعنینا کی، او دا ناخیرا گئدیب قشنگلشسین.
ایش بئله گتیردی کی، یئنه برک بیر یئل قوپدو، بو دفعه ده یئل کئچل فاتمانین یونونو گؤتوروب آپاردی. یون گئدیب همین قارینین باجاسیننان ایچری دوشدو. کئچل فاتما یونون دالینجا قاچا-قاچا گئدیب قارینین ائوینه چیخدی. قاپینی دؤیوب یونونو ایستهدی. قاری قیزی ایچری چاغیریب دئدی:
– آ قیزیم، گل باشیمی بیتله، سونرا یونونو وئریم.
قیز قارینین باشینا باخیب گؤردو کی، بیت-بیرینن دولودو. “تفو” ائلهییب گئری چکیلدی. قاری دئدی:
– آ قیزیم، منیم باشیم تمیزدی، یوخسا سنین آنانین؟
قیز دئدی:
– الله وورموشدو سنی، باشین ایلان قورباغاینان دولودو، هلبتده آنامین باشی یاخشیدی.
قاری بیر آلتدان یوخاری باخیب دئدی:
– آ قیزیم، سن کی، بئله دئدین، آلا یونونو وئریرم، اما بوردان گئدنده قاباغینا اوچ بولاق چیخاجاق. بیرینین سویو قارا، بیرینین سویو آغ، او بیرینینکی ده قیرمیزی. سن اولجه قارا سویا گیریب چیمرسن، سونرا آغ سوینان باشینی یویوب، بیر آز دا قاشینا، کیرپیگینه، قیرمیزی سودان دا آلنینا سورترسن. سونرا دا قارا اینیین دؤشلرینی امرسن.
قیز قارینین یانیننان چیخیب یولدا قارا سوینان چیمدی، آغ سودان قاشینا، کیرپیگینه چکدی، قیرمیزی سودان دا آلنینا سورتدو. اولدن ده بیر شئی اولمایان کئچل فاتما دؤنوب اولدو قارا قول؛ هر یئری اولدو قاپ-قارا کؤسی کیمی. بیرجه دیشلری، گؤزلری آغاریردی. کئچل فاتمانین هئچ ندن خبری یوخ ایدی. گلیب اینیین امجیینی آغزینا سالیب باشلادی سورماغا، گؤردو کی، آغزینا ایرین گلیر، تئز باشلادی اینیین او بیری ممهسینی عمهیه، گؤردو کی، بوننان دا قان گلیر. دوروب کور-پئشیمان ائولرینه گلدی. آناسی قیزینا باخان کیمی اللرینی ایکی دیزینه ووروب دئدی:
– بیی، باشینا گوللر، آی قیز سنه نه اولدو کی، بو گونه دوشدون؟
قیز باشینا گلنی آناسینا سؤیلهدی. داها ایش ایشدن کئچمیشدی. او گوننن کئچل فاتمانی آناسی ائودن هئچ یئره بوراخمادی. اما گؤیچک فاتما هر گون اینیی آپاریب اوتاریر، اؤزو ده گونو-گوننن قشنگلشیردی. آنالیق گؤردو کی، فاتما اینیی اوتارماغا آپاردیقجا یاخشیلاشیر، اودو کی، بیر گون بیر آز قورو یوخا بیشیریب پالتارینین آلتیننان کورکلرینه قویدو، اری ائوه گلنده یئره ییخیلیب آرخاسی اوسته او اوزه، بو اوزه چؤروکدو. آرواد ترپندیکجه یوخالار خیرها-خیرنان قیریلیردی. آرواد اوفولدانا-اوفولدانا دئدی:
– آ کیشی، گؤرورسنمی نه برک آزاررامیشام. اؤلورم، منه بیر الاج.
کیشی دئدی:
– آرواد سنین درمانین ندی، دئ تاپیم؟
آرواد دئدی:
– منیم درمانیم قارا اینیین اتیدی. اونو کسیب اتینی منه یئدیرتسن یاخشی اولاجام.
کیشی اولجه اینیی کسمک ایستمهدی، اما آرواد ال چکمهدی کی، چکمهدی. کیشی آخیردا اینیی کسدی. گؤیچک فاتما گؤردو کی، اینیی کسدیلر. قالدی متتل کی، ایندی نه یئیهجک، آجیننان اؤلهجک. دوروب گئتدی همین قوجا قارینین یعنینا، اهوا
دو. اؤز قیزی کئچل فاتمانی دا بزندیریب قویدو گؤیچک فاتمانین یئرینده. یئنگهلر، ساغدیشلار، سولدوشلار گلدیلر کی، قیزین باشینی بزهییب گلین آپارسینلار، گؤردولر کی، قیز او قیز دئییل.
دئدیلر:
– آی بالام، بو قیز نیه بئله قارالیب؟
قیزین آناسی نیرخ دئییب دوردو کی، ائله بو همن گؤیچک فاتمادی، او گونون آلتیندا دوروب، گون قارالدیب. یئنگه تئز باشماغی گتیریب قیزین آیاغینا تاخدی، گؤردو یوخ، اولمادی. اؤز-اؤزونه فیکیرلشدی کی، آخی بو قیز من گؤردوگوم دئییل، بونو بزهییب آپارساق پادشاهین اوغلو نه دئیر؟ ائله بو فیکیردیدی کی، گؤردو کوچهدن اوشاقلار اوخویورلار:
گون چیخ، گون چیخ،
کهر آتی مین چیخ،
کئچل قیزی ائوده قوی،
ساچلی قیزی گؤتور قاچ.
یئنگه قیزین تئز باشینا باخیب گؤردو قیز قارت کئچلدی. تئز دوردو کی، گئدیب اهوالاتی اوغلانا سؤیلهسین. بیردن مهلهده بیر خوروز باشلادی بانناماغا:
قوققولو-قو،
فاتما خانیم تندیرده،
ال-آیاغی کندیرده.
یئنگه گلیب تئز تندیرین آغزینی آچدی، گؤردو دوغرودان دا فاتمانین ال-آیاغینی کندیرنن باغلاییب تندیره سالیبلار. قیزی چیخاردیب گتیردیلر ائوه، یئتمیش یئردن اونا بزک-دوزک وئریب، گئییندیریب-کئچیندیریب آپاردیلار پادشاهین اوغلونا. هامی تویدا چالیر، اویناییر، شادلیق ائلییردی کئچل فاتماینان آناسی قان آغلاییردی.
آرادان بیر مدت کئچننن سونرا کئچل فاتمانین آناسی دئدی:
– آ قیزیم، اولان-اولوب، کئچن-کئچیب، بیر دور گئت گؤر باجین نه قاییریر؟
کئچل فاتما گئیینیب-کئچینیب گئتدی باجیسینین یعنینا، خوش-بئش اون بئشدن سونرا دئدی:
– آی باجی، یامان چیممک ایستییرم، دور گئدک دریا کناریندا چیمک.
گؤیچک فاتما باجیسینین خترینی سیندیرماییب اؤز قیزیل تئشتینی ده گؤتوروب گئتدی دریا کنارینا. کئچل قیز دئدی:
– آ باجی، اولجه سن سویون، من سنی چیمیزدیریم، سونرادا سن منی چیمیزدیررسن.
فاتما سؤزه اینانیب سویوندو، دریانین قیراغیندا چیممک ایستهینده کئچل فاتما اونو ایتهلهییب سویون درین یئرینه سالدی. گؤیچک فاتما سودان چیخا بیلمهدی. کئچل قیز فاتمانین پالتارینی گئیینیب اوغلانین ائوینه گلدی. آخشام اولدو، قیز اوز-گؤزونو گیزلهده-گیزلهده بیر تهر گئجنی سالدی. یاتماق واختی گلنده اوغلان گؤردو کی، فاتمانین ساچی هئچ علینه دیمیر. اودو کی، دئدی:
– آی فاتما، سنین ساچین هئچ گؤزومه دیمیر.
قیز دئدی:
– باشیمی یوموشام دئیین ییغیلیب بیر یئره، ساباه قورویار، گئنه اوزانار.
ساباه آچیلدی، اوغلان آتینا مینیب دریانین کناریینان گئدیردی، بیر ده گؤردو کی، بیر بالیقچی تورو نه قدر چکیرسه، سودان چیخاردا بیلمیر. اوغلان آتدان دوشوب بالیقچییا کؤمک ائلهدی. بیر تهر تورو چکیب سودان چیخاردیلار. بیر ده گؤردولر کی، تورا بیر بالیق دوشوب کی، اجداها بویدا، تئز بالیغین قارنینی یاردیلار. اوغلان گؤردو کی، بوی بودو گؤیچک فاتما بالیغین قارنیندا، تئز قیزی چیخاردیب بیر شئیه بوکوب ائوه گتیردی. فاتما باشینا گلن اهوالاتی تامام باشدان-آیاغا کیمی ارینه دانیشدی. اوغلان او ساعت امر ائلهدی کی، بیر دلی قاتیر گتیرسینلر. کئچل فاتمانی قاتیرین قویروغونا باغلادیب داغدا-داشدا سوروتدهدیلر. کئچل فاتمانین هر تیکهسی بیر درهده قالدی. سونرا گؤیچک فاتماینان پادشاهین اوغلو کئیف چکیب دؤوران کئچیردیلر.
گؤیدن اوچ آلما دوشدو، بیری منیم، بیری سنین، بیری ده ناغیل سؤیلهیهنین.
لاتی اونا سؤیلهدی. قاری دئدی:
– قیزیم، ائیبی یوخدو، قوی اینیی کسسیننر، سن اونون اتیننن یئمزسن، قوی اونلار یئسیننر، سونرا خلوتجه اونون بوتون سوموکلرینی توربایا ییغیب گتیررسن منیم یانیما. قورخما، قارداشین ایندی ده خوروز جیلدینه دوشهجک.
فاتما قارینین یانیننان گلیب او دئدیگی کیمی ائلهدی. اینیین اتیننن یئمهدی، اونسوز دا آنالیغی هئچ اونا ات وئرمهدی. بلی، فاتما اینیین سوموکلرینی ایریلی-خیردالی ییغیب بیر توربایا دولدوردو، خلوتجه دوز گتیردی قارینین ائوینه، قاری یئکه بیر قویو قازیب سوموکلری باسدیردی اورا. اوستونو تورپاقلاییب قیزا دئدی: – بالا، قورخما، بو سوموکلردن نه ایستهسن او ساعت حاضر اولاجاق.
قیز دوروب ائولرینه گلدی، بیر-ایکی گوننن سونرا پادشاهین بؤیوک اوغلونون تویویدو، هامینی چاغیرمیشدیلار. فاتمانین آنالیغی دا کئچل قیزینی گئییندیریب-کئچیندیریب تویا گئدیردی. گؤیچک فاتما دا آنالیغینا یالوار-یاخار ائلهدی کی، تویا اونو دا آپارسین. آنالیغی قویمادی کی، قویمادی، دئدی:
– بیرجه سنین یئرین اسکیک ایدی، قاخیل اوتور یئرینده، اونسوز دا سنین پالتارین نه گزیر کی، گئیینیب گئدهسن.
آنالیق بیر چاناق دارینی یئره تؤکوب، بیر بوش جام قویدو، دئدی:
– من گلنه کیمی بو دارینی ییغارسان چاناغا، بو جامی دا گؤز یاشیننان دولدورارسان، اگر دئدیکلریمی ائلمهسن، وای سنین گونونه.
فاتما قالدی مات-مهتتل کی، نئیلهسین. آنالیغی گئدن کیمی کور-پئشیمان دابان آلیب دوز گلدی قارینین یعنینا، آنالیغینین تاپشیردیغی ایشلری سؤیلهدی.
قاری دئدی:
– قیزیم، قورخما، بو ایشلر منیم علیمده سو ایچیمی کیمی بیر شئیدی.
قاری قیزا بیر چاناق داری وئردی، بیر جام دا دوزلو شور سو. دئدی:
– آپار بو دارینی تؤک آنالیغینین داری چاناغینا، دوزلو سویو دا تؤک جاما، ائله بیلسین کی، آغلاییبسان، گؤزونون یاشیدی. قالدی یئره تؤکولن داریلار، تویوق-جوجهلری بوراق قوی دارینی دننهییب قورتارسیننار.
قاری بو سؤزلری قیزا دئیننن سونرا اونو گؤتوروب گلدی اینیین سوموگونو باسدیردیغی یئره. قویونون آغزینی آچیب دئدی:
– ائی قارا اینک، سننن بیر قشنگ پادشاهانه لیباس، بیر ده بیر قیزیل باشماق ایستییرم کی، فاتما گئیینیب گئتسین تویا.
او ساعت بیر ده گؤردولر کی، بو شئیلر حاضر اولدو. قاری قیزا بیر توربا کیشمیش، بیر توربا دا کول وئریب دئدی:
– قیزیم، بو پالتاری، قیزیل باشماغی گئییب، توربالاری دا گؤتوروب گئدرسن تویا، اورادا سنی آنالیغین تانیمایاجاق، تویدا سنی ده اویناداجاقلار. سن اوینایاندا جامااتین اوستونه کیشمیش تؤکرسن، آنالیغینین اوزونه کول، سونرا تئز قاییدیب گلرسن ائوه، پالتارینی سویونوب اوتورارسان.
بلی، فاتما زر-زیباینان تیکیلمیش پالتاری گئییب، قیزیل باشماغی آیاغینا تاخیب دؤندو هوری-ملهیه. گئتدی تویا، هامی بو گؤزللیکده قیزی گؤروب مات قالدی. فاتما اوینایا-اوینایا آداملارین قاباغینا گئتدیکجه هامینین قوجاغینا کیشمیش تؤکوب، آنالیغینین گؤزونه کول سپدی. سونرا تویدان چیخیب تلسیک قاییتدی ائوه. یولدا چایدان هوپپانیب کئچنده باشماغینین بیر تایی آیاغیننان چیخیب دوشدو سویا. تلسدیگیننن باشماغی قویوب قاچدی. همین گون دئمه پادشاهین اوغلو اووا چیخیبمیش. قاییدان باش یولدا آتینی چایدا سولاماغا گتیردی. آت دوداغینی سویا ووروب گئری چکیلدی. پادشاهین اوغلو اییلیب سویا باخدی، گؤردو کی، سودا بیر تای قیزیل باشماق وار، تئز چیخاردیب اؤزوینن گتیردی. بو طرفدن ده فاتما گلیب پالتارینی سویونوب گیزلندی. آنالیغی قاش-قاباقلی گلدی ائوه. فاتما دئدی:
– آنا، بیر آز سؤیله گؤروم تویدا نه اولدو، نه کئچدی؟
آرواد دئدی:
– هئچ، نه اولاجاق، بیر قاراگوننونون بیری اوینایاندا هامینین قاباغینا کیشمیش تؤکدو، بیزیم قاباغیمیزا کول آتدی.
بونلاری بوردا قویاق، گؤرک پادشاهین اوغلو باشماغی نئیلهدی. باشماق او قدر قشنگ ایدی کی، هئچ پادشاهین خزینهسینده ده بئلهسی یوخ ایدی. پ
اوغلو باشماغی اؤز للهسینه وئریب دئدی:
– آپار بو باشماغی شهربشهر، کندبکند آختار، هانسی قیزین آیاغینا اولسا، گرک اونو آلام.
لله هر یئری گزدی، بوتون کندلری، شهرلری هلک-فلک ائلهدی، باشماق هئچ کیمین آیاغینا اولمادی. آخیردا خبر آلیرلار کی، بو باشماغی آیاغینا تاخمامیش کیم قالدی، دئدیلر کی، بیرجه فاتما آدلی بیر یئتیم قیز وار، او قالیبدی. گتیریب باشماغی فاتمانین آیاغینا گئییندیردیلر، گؤردولر کی، ائله بیل باشماقچی اؤزو الینن تیکیب، دوز قیزین آیاغینا. او ساعت گئدیب پادشاه اوغلونا خبر آپاردیلار کی، بس بئله-بئله، باشماق فیلان قیزین آیاغینا اولدو. اوغلان توی تداروکو گؤروب فاتمانی گلین گتیرمک اوچون اؤز آداملارینی گؤندردی کی، قیزین باشینی بزسیننر. بو طرفدن فاتمانین آنالیغی پاخیللیغیننان آز قالدی چاتلاسین، اودو کی، فاتمانین ال-آیاغینی کندیرنن باغلاییب سالدی تندیره، اوستونو ده اؤرت.
