کولت. آذ زاهید خلیلین "چیلک چایینین دیبین‌ده‌کی اوغلان" حکایه‌سینی تقدیم ائدیر:

نئجه اولوب کی، اوشاقلار بو چایین دادینا واختین‌دا باخماییبلار. داها دوغروسو آز قالا بو گؤزل چای هاواییجا آخیب گئده‌جک‌دی. شهر گؤزت‌چیلرین‌دن بیری آخشام قارانلیغین‌دا کوچه‌دن کئچه‌ن بو سودان بیر قورتوم ایچدی و چیلک شیره‌سینین گؤزل اترینی دویان کیمی شیره‌دن اوووج-اوووج باشینا چکمه‌یه باشلادی. سونرا برک‌دن قیشقیریب خبردار еتدی:

-تئز اولون، چیلک شیره‌سی آخیب قورتارمامیش ایچین.

هر طرف‌دن تؤکولوشوب گل‌دیلر و چیلک چایین‌دان |دویونجا ایچدیلر. شیره تامام ایچیلیب قورتاران‌دان سونرا چایین دیبین‌دن بالاجا بیر اوغلان تاپ‌دیلار. سن دئمه بو اوغلان هامی‌دان قاباق چایین دادینا باخیب و اوندان دویونجا ایچمک اوچون اؤزونو شیره‌نین ایچینه آتیبمیش. اوغلانی چکیب بیر طرفه اوزات‌دیلار. شیره‌دن او قدر ایچمیش‌دی کی، اؤزون‌دن گеتمیش‌دی. هاچان‌دان-هاچانا هوشو باشینا گل‌دی.

-تئز اولون، منه چیلک شیره‌سی وئرین.

اونو باشا سال‌دیلار کی، شیره ایچیلیب تامام قورتاریب. اوغلان آغلاماغا باشلادی v ا جامااتا دئدی کی، اگر چیلک شیره‌سی وئرمه‌سه‌لر سونرا اوندان اینجیمه‌سینلر. جاماات ال-آیاغا دوش‌دو. وئدره گؤتوروب بازارا قاچ‌دیلار. چوخ‌لو چیلک آلیب گتیردیلر. اوغلان دویونجا یئدی. کیم‌سه قورخا-قورخا اوغلان‌دان سوروش‌دو:

-اگر چیلک آلماسای‌دیلار نئینیجکدین؟

-گئدیب بازاردان چیلک آلاجاقدیم،

-دئیه او غلان چالا-چالا چیخیب گئت‌دی.