ستار سوقی دونیاسینی دییشدی
17:02
آنا صحیفه ادبیات |
کولت. آذ اؤتن گونلرده خرچنگدن دونیاسینی دییشهن مرحوم شاعره فرقانه مهدیئوانین "بؤیومدیم، اوشاق قالدیم" شعرینی تقدیم ائدیر:
بؤیومدیم، اوشاق قالدیم
نه باریشدیم بو دونیایلا،
نه ده بیر یول کوسدوم، آنام.
وئردیین عؤمرو واراغا
میصراع-میصراع دوزدوم، آنام.
قالدیم نئجه، اؤلدوم نئجه،
آخیری گؤردوم هئچ-هئچه.
باخدیم گوزگویه بیر گئجه
اؤز-اؤزومو سوزدوم، آنام.
گون کیمی قارا-آغ قالدیم،
دردین اوزونه شاخ قالدیم.
بؤیومدیم اوشاق قالدیم
او کی وار اودوزدوم، آنام.
بیرجه قیریق شیرین اولا
یان اؤتسهن دوغمالاردان،
آران بیر آز سرین اولا.
کاش قاییدا گئدنلرین،
نه اولا اوزوبرین اولا...
نه گؤردو گؤرموش بو عؤمور،
آلنیمدا ترمیش بو عؤمور.
سن دئمه زهرمیش بو عؤمور
بیرجه قیریق شیرین اولا.
سؤز گله، اودوب گئدهسهن،
ال اولا، توتوب گئدهسهن.
بیر یوللوق ایتیب گئدهسهن
سیغینماغا یئرین اولا.
تاریخ
2022.12.23 / 17:28
|
مولف
Axar.az
|