کولت. آز شاعر-یازی‌چی، پئدوقوق زاهید خلیلین بالاجالار اوچون یازدیغی "بدلین شهادت بارماغی" آدلی حکایه‌سینی تقدیم ائدیر:

بدلین شهادت بارماغینین آغلینا گلمیش‌دی کی، بورنونون ایچین‌ده نه ایسه موهوم بیر شئی گیزلنیب.

بونا گؤره ده بارماق تنبل‌لیک ائتمه‌ییب بورنونون ساغ دئشیین‌دن ایچری سوخول‌دو. اوزو ده دیبه‌جه‌ن گئت‌دی و فیکیرلش‌دی کی، موهوم شئی موطلق دیب طرف‌ده اولمالی‌دیر. شهادت بارماق گئجه‌لی-گوندوزلو اللش‌دی. درس واختی دا، چؤرک یئیه‌ن‌ده ده، حتی آخشام یاتان‌دا دا بورون‌دان چؤله چیخماق ایسته‌مه‌دی.

اما آختاردیغی او موهوم شئیی تاپا بیلمه‌دی. ایشی بئله گؤره‌ن‌ده بارماق سول طرفه جوم‌دو. یئنه ده لاپ دیبه قدر گئت‌دی. ترس‌لیک‌دن یئنه ده سفردن الیبوش قاییت‌دی. اما روح‌دان دوشمه‌ییب. بدل دؤردونجو سینفه کئچیب. اما شهادت بارماق آختاریشلارینی بیر دقیقه ده یاریمچیق قویمور. دئییرلر هله ده او، بورونون گاه ساغ، گاه دا سول طرفین‌دن ایچری سوخولور، صبیرله همین موهوم شئیی آختاریر. ایشدیر، اگر بیر شئی تاپ‌سا، حؤکمه‌ن سیزه ده دئیره‌م. اما بورونون ایچین‌دن موهوم بیر شئی تاپاجاغینا ندن‌سه هئچ اومیدیم یوخ‌دور. آداملار ایسه بو آختاریشا اهمیت وئرمه‌ییب دئییرلر:

-علینی بورنون‌دان چیخارت، آییب‌دیر.

یازیق بدل نئیله‌سین. بو جامااتی نئجه باشا سال‌سین بورنونون ایچین‌ده واجیب بیر شئی گیزلنیب و شهادت بارماغی حؤکمه‌ن اونو تاپمالی‌دی.