کولت. آز اوشاقلارین دوستو، شاعر-یازی‌چی، پئدوقوق زاهید خلیلین "دؤوشان و جاناوار" شعرینی بالاجا بالالار اوچون تقدیم ائدیر:

قاچیردی بوز جاناوار
بیر دووشانین علین‌دن
دئیه‌ن پاترون‌دان آسیب
همین دووشان بئلین‌دن.

بوز جاناوار باغیریر،
کمکینه چاغیریر.
یول‌دان اؤتوب - کئچه‌نی:
-دووشان‌دا اینساف هانی،
اؤلدوره‌جک‌دیر منی!

دووشانین کئیفی سازدی.
یئل‌لنه‌ن قولاقلاری
هره‌سی بیر پالازدی.
دووشان قوردو حاقلادی،
قویروغون‌دان ساخلادی.
گل‌دی بوز قوچ، آغ قویون،
باشلان‌دی مین جور اویون.
اویناقلا ها، اویناقلا!

چوبان گل‌دی چوماقلا.
جاناواری گؤتوروب
بیر قازانا باس‌دیلار.
قالدیریب بو قازانی،
گور تونقال‌دان آسدیلار.

قیشقیریردی جاناوار:
-اؤلوره‌م من، آی هاوار.
دئییردی: - اورییم‌ده
قالماسین قوی بیر آرزو.
هئچ اولماسا سون دفعه
وئرین بیر کؤرپه قوزو.
چکیم اونو دیشیمه
چیخیب گئدیم ایشیمه.

کلبتین گتیردیلر،
چک‌دیلر دیشلرین.
دئدیلر قوی بو گون‌دن
ترگیت‌سین ایشلرینی.
سونرا قازان قاینادی،
قویون، کئچی اوینادی.

مئشه‌یه دوش‌دو هارای
چال‌دیلار، چاغیردیلار.
وای دده‌م وای، ننه‌م وای،
بو بوی‌دا یالان اولار؟!