کولت. آز گونئی‌لی یازار اومید نججارینین"آدی اورک" آدلی شئیرینی تقدیم ائدیر:

گؤزلرین‌دن زنگ آچ گؤزلریمه،
اللرین‌دن تئلئقرام وور!
یاغ‌دیر باخیشینی سوسوزدور تاوانیم.
سوزدور یاغیشینی کندلریم یانیر سن‌سیزلیک‌دن.
من دنیزین ماویلیین‌دن،
من تنها اوتاقلارین سسسیزلیین‌دن سنه سس‌لنیرم.

گل...
گئجه‌دن سحره بیر آددیم‌لیق یول وار،
تکی سن اونوت کئچمیشی،
تکی اللرینی اونوت اللریمین ایچین‌ده،
اؤزونو بوردا قویوب چیخ گئت اؤزون‌دن!

بو گون‌دن صاباحا بیر نفس‌لیک یول وار.
ساده‌جه، یوم گؤزلرینی گؤزلریمه،
یالنیز تؤک سسینی بوغازیما.
شاملار اینسان بارماقلاری‌دیر قاران‌لیق‌دا،
یانیر اینسان بده‌نلری تک اوتاقلاردا...
ایگیرمی بیرینجی عصرین
ایگیرمی بیرینجی کامئراسینین آدی چؤکوش‌دور.

قالخین، لطفاً،
بیر دقیقه‌لیک سوکوت ائدین!
ایچیم‌ده بیر شهید وار، آدی "اورک".
چؤلوم‌ده بیر پامبیق دوزو وار، آدی وطن.
بالیقلار ایزتیراب‌دان یورولار بده‌نیم‌ده،
آخی دامارلاریم‌دان بیر چای آخیر آدی "هیه‌جان".
ائیوانلار ائولرین "اعتراض یومروغودور" بورالاردا.
هازیرکی اساس شکیل

دستیی قوی، لطفاً،
داریخماغی زنگ ائتسه‌ن ده،
کیم‌سه‌نین سسینی دویمایاجاق‌سان.
سنه چاتان یوللاریم اب‌دی تیخاج‌دی
سن‌دن کئچه‌ن دؤردیوللاردا قیرمیزی ایشیق یانیر...
سنه دایانمیشام.
سنه دؤزوره‌م...