کولت. آذ آذربایجانین اونودولماز شاعری خلیل رضا اولوتورکون ۱۹۶۵-جی ایلده قله‌مه آلدیغی "یال‌لی رقصی" شعرینی اوخوجولارا تقدیم ائدیر:

قایادا بیر شکیل وار:
یال‌لی گئدیر آداملار.
نلر دوشور گؤر یادا:
ان چتین زامان‌دا دا
اینسان گولوب­اوینامیش.
جان‌دا موسیقی عشقی
قاییر­قاییر قاینامیش!

نه گؤزل‌دیر سیل‌سیله،
هامی وئریب ال­اله.
اوغلان نئجه یاراشیر
یانین‌داکی گؤزه‌له!

اونلار چاخان شیمشیی،
یاغان قاری دینله‌ییب.
سمادا قاققیلداشان
دورنالاری دینله‌ییب.

دویوبلار، های سالان‌دا
آغ کؤپوک‌لو دالغالار:
طبیعتین اؤزون‌ده
موسیقی وار، شرقی وار!

اونلار زؤوقو، سئوینجی
بیر­بیرینه بخش ائدیب.
ایلک رس‌سام ایلک یاللینی
ایلک قایایا نقش ائدیب.