کولت. آز شئیرلر سیل‌سیله‌سین‌دن نؤوبتی شعرینی تقدیم ائدیر:

قورخورام، من سنی لاپ چوخ سئوره‌م.
لطفاً، گؤزلریمه اوزادی باخما...
قورخورام، گون گلر سن ده گئدرسه‌ن،
ییخان ییخیب اونسوز، بیر ده سن ییخما.

گلیرسن‌سه اگر، بیر اؤمورلوک گل،
هازیرام سئوگی‌ده یوللار آزماغا.
بو دویغو او قدر گؤزل‌دیر، گؤزل،
هازیرام سئوگی‌دن رومان یازماغا...

منه چوخ بل‌لی‌دیر ایچین‌ده‌کی هیسس،
دوداق دیشلمیین، گؤز-قاش ائتمیین...
نه سن من‌دن کوس گئت، نه من اولوم پیس،
ایسته‌مه‌م باشلاییب واخت‌سیز بیتمیین...

ایلک گونلر اوریی هوس آلدادار،
آشیق اولدوغونو زنن ائدر اینسان.
بو یول قیسا یول‌دور، آجی سونو وار،
بو یولو ندن‌سه تئز گئدر اینسان.

حؤرمت خاطرینه گئتمیک بئله،
او دوغرو زامانی گؤزلیک بیر آز.
بیز ده هوسکارلیق ائتمیک بئله،
من سنه توتولوم، سن منه ائت ناز...

هوس بیتمه‌لی‌دیر، سؤز بیتمه‌لی‌دیر،
سئوگی‌ده مسافه یاخشی‌دیر هردن.
سئوه‌ن قورورونو دفن ائتمه‌لی‌دیر،
سئوه‌ن داریخمالی خاطره‌لردن...

بیر بیل‌سه‌ن من سن‌دن نه ایستییرم،
گؤزون‌دن اوخویار سئوه‌ن سئوه‌نی...
باخ او گون علین‌دن توتوب دئیره‌م،
هئچ ندن قورخمادان سئویرم سنی