کولت. آز گونئل ائمینلینین‌سه‌نی هر ائینک‌لی آداما اوخشاتماق داریخماق‌دی" آدلی شئیرینی تقدیم ائدیر:

سنین اوچون داریخماق،
شکلینه باخیب آغلاماق دئییل دوست،
سحری آخشام ۴-ده بیلیب جاندردی
یاتاق‌دان قالخماق‌دیر،
سنین اوچون داریخماق
تئلئفونوم‌دا نؤمره‌نی آختارماق دئییل،
علیل دیله‌ن‌چییه وئردیین قپیکلر،
یئره دوشمه‌سین دئیه
اووجونو سیخماق‌دیر،
سنین اوچون دارخیماق قبرینی
زیارت ائتمک دئییل دوست،
سئودیین قادینین حالینی سورماق‌دیر،
یانینا گئدیب یولوخماق‌دیر،
اوزولمک، کدرله‌نمک دئییل دوست،
آنانین سنین آدینا بیشیردیی یئمک‌دن
بیر لوخما دادماق‌دیر،
سئودیین فیلملری ایزله‌مک،
دینلدیین موسیقیلری دینله‌مک،
اوخودوغون کیتابلارا توخونماق‌دیر،
دولاشدیغین کوچه‌لری بیر ده کئچمک،
سنی هر تینی بورولان‌دا اوزاق‌دان
گلن ائینک‌لی آداما اوخشاتماق‌دیر،
ساعتلارلا پنجره‌دن لؤوبر سالان
گمینین ایشیقلارینی سیغاللایان لپه‌لرده
اومیدلرینی بوغماق‌دیر،
سنین آدینا شئیر یازماق، پوزماق،
یازماق، پوزماق،
یازماق‌دیر...