کولت. آذ گؤرکملی قزلخان الیاغا واهیدین " آشیقین پناهی ندیر" آدلی غزلینی گونئی‌لی سویداشیمیز آیلار موقرحور ون ایفاسین‌دا تقدیم ائدیر:

او جان آلان نه بیلیر، عاشیقین پناهی ندیر؟
اونا بو حسنو وئره‌ن قدرتی-ایلاهی ندیر؟

صفاسین اؤزگه گؤرور، من نه بلالرین چکیرم،
منیم بو قانه دؤنه‌ن کؤنلومون گوهاهی ندیر؟

داغیت‌دی زولفون اوزه دیلبریم، کئچه‌ن‌ده دئدیم:
بونون یانین‌دا بهیشتین گولو گیاهی ندیر؟

بو قارا گؤزلولرین اولمایینجا مجنونو،
جاهان‌دا کیم بیله‌جک، عشق باریگاهی ندیر؟

گئجه- گوندوز ائدیره‌م آهو ناله کویین‌ده،
سوروشماییر، بو قدر بیر فقیرین آهی ندیر؟

گولوزلو، نازلی گؤزللرمیش، ایندی من بیلیرم،
محبت اهلینین عالم‌ده قیبلگاهی ندیر؟

تارین‌دا واحید، اگر قوربانین ملاحتی وار،
دایان بیر ایندی گؤرک، زولفونون "سگاهی" ندیر!