کولت. آذ یازی‌چی-شاعر، پئداقوق زاهید خلیلین "قارینقولو قارپیزلار" حکایه‌سینی تقدیم ائدیر:

بو قارپیزلار قونشو ایدی. هر ایکی‌سی کولون دیبین‌ده اوزانیب تاغین شیره‌سینی لذتله سوروردو. دنیزچیلر کیمی زولاق‌لی کؤینک گئیینه‌ن بیرینجی قارپیز گؤزونون آلتی ایله باخیب گؤردو کی، او بیری قارپیز دئیه‌سه‌ن داها چوخ شیره امیر. آخی همین قارا قارپیز سسینی چیخارتمادان آنجاق گله‌جک حاقین‌دا شیرین خیاللارا دالیردی.

-بئله،- دئیه زولاق‌لی قارپیز ائله همین آندان داها چوخ شیره سوروب قارنینا دول‌دورماق حاقین‌دا دوشوندو. آخی بئله شئی اولمازدی. نئجه اولا بیلردی کی، قارا قارپیز داها چوخ شیره امی‌دی، بونا دؤزمک اولمازدی. زولاقلی قارپیز تاغی عمه‌یه باشلایان‌دا قارا قارپیزین اونا یازیغی گ الدی. چونکی، زولاق‌لی قارپیز گله‌جک حاقین‌دا قتییه‌ن شیرین خیاللارا دالا بیلمیردی. اما قارا قارپیز دوشونوردو کی، بیر آز دا بؤیویه‌جک و اونو دریب سوفره‌یه قویاجاقلار. زولاق‌لی قارپیز ایسه بئله شئیلری قتییه‌ن دوشونمور، ساده‌جه اولاراق قارینقولولوق ائدیردی.

اونلارین ایکی‌سی ده بؤیودو. زولاق‌لی قارپیز او قدر شیشمیش‌دی کی، آز قالیردی پارتلایا. گئجه‌لر سحره قدر قونشولاری یاتماغا قویموردو. قارنینا او قدر سو دولموش‌دو کی، بیلمیردی نئیله‌یه. بیر دفعه دووشان زولاق‌لی قارپیزی بالالارینا آپارماق ایسته‌دی. اونو تاغ‌دان اوزوب ائله تزه‌جه ایتلمیش‌دی کی، قارپیز بالاجا بیر داشا دییب پارتلادی. گونلرله سوروب قارنما دولدوردوغو سو بیر آنداجا آخیب بوشال‌دی. اما قریبه اولسا دا اونون زاریلتی‌سی کسمیش‌دی. آخی قارنی بوشالمیش‌دی. قارا قارپیز ایسه یاواش-یاواش بؤیویوردو. هردن کوریینی گونه وئریردی کی، قوی گونش اونو قیزدیرسین، دادلی v ا لذت‌لی اولسون. بیر دفعه بو قارپیزی دریب آپاردیلار. اونو کسیب یئیه‌ن‌ده دئدیلر:

—لاپ دادلی قارپیزدی. ساغ اولسون بوستان‌چی! باخ بو عدالت‌سیزلیک اولدو! آخی قارپیزین دادلی اولماسی اوچون بوستان‌چی‌دان چوخ چالیشان اونون اؤزو ایدی. اما اینسانلار بو باره‌ده دوشونمک بئله ایسته‌مه‌دیلر. بیر ده اینسانلار بیلمه‌دی کی، بو قارپیزین یانین‌دا باشقا بیر قارپیز واردی و او قدر بؤیوک ایدی کی، بیر بالاجا داشا توخونماقلا پارچالان‌دی. یوخ، اینسانلار زولاق‌لی قارپیزی هئچ یادلارینا دا سالمادیلار. بو ایسه عدالت‌سیزلیک ایدی.