کولت. آذ اوشاقلارین دوستو، یازی‌چی-شاعر، پئدئقوق زاهید خلیلین "ایستولوستو لامپانین دردی" حکایه‌سینی تقدیم ائدیر:

البته، هئچ کسین آغلینا بئله گ المزدی کی، بو لامپانین دا دردی وار. مسئله بوراسین‌دا ایدی کی، لامپا بیر یازیچینین ایستولونون اوستون‌ده ان حؤرمت‌لی بیر یئرده ایدی. یازیچینین هله هامی‌دان گیزلتدیی اثرلرینین ایلک الیازماسینی اوخوماغا تکجه اونا ایجازه وئریلیردی. بونا گؤره ده ایستولوستو لامپا اؤزونو سون درجه خوشبخت حساب ائدیردی. اوزاق‌دان گؤزلرینی حیرتله آچان لامپالارا هئچ جاواب بئله وئرمک ایستئمیردی. اوزاق‌داکی لامپالار ایسه i شیق دیلین‌ده اوندان خواهیش ائدیردیلر کی، یازیچینین تزه اثرلری حاقین‌دا اونلارا هئچ اولماسا بیر معلومات وئرسین. اما ایستولوستو لامپا نئجه دایانمیش‌دی‌سا ائل‌جه ده باشینی قال‌دیرمادان یازی ایستولونا باخیردی. ائله بیل اطراف‌دا گؤزلرینی اونا هسرتله دیکه‌ن بو قدر لامپالاری قتییه‌ن گؤرموردو.

اما ایستولوستو لامپانین دردی باشقای‌دی. آخی یازی‌چی بو اثرلرینین دئمک اولار کی، هامی‌سینی اونون ایشیغین‌دا یازیردی. نئجه دئیرلر، لامپا دا یازی‌چی ایله عینی هیجانی کئچیریردی. بیر دفعه ایشیقلار کئچدیی اوچون یازی‌چی همین گئجه ایشله‌مه‌دی و او زامان ایستولوستو لاپما یقین ائتدی کی، اونسوز یازیچینین هئچ بیر دقیقه‌سی ده سمره وئرمز. هه، دی گل کی، اثرلر یاییلماغا باشلایان‌دا اونلارین اوستون‌ده آنجاق یازیچینین آدی اولاردی. هئچ کسین آغلینا بئله گ المزدی کی، بو بالاجا ناغیللاردا ایستولوستو لامپانین گؤزلرینین نورو وار.