کولت. آز صمد وورغونونون "لاله" آدلی شئیرینی تقدیم ائدیر:

لاله، رنگین‌ده‌کی یانغین دئ، ندیر؟
نیه ملول‌سان، آ داغلار قیزی سن؟
قارا قانلارمی گئدیر قلبین‌دن؟
هان‌سی درد، هان‌سی شیرین خاطره‌دیر
سنی اودلارا یاخان؟
او اوزاق یوللارا هسرتله باخان
قارا گؤزلر، دئ، نئچین دولغون‌دور؟
لاله رنگین نه یامان سولغون‌دور؟
لاله، قالخ! گون یاییلیب داغ‌دان آشیر،
یئل اسیر، آخشام اولور، چای دا داشیر.
قوشلار، اینسانلار اوچور اؤز یئرینه،
سن‌سه یالقیز، علی قوینون‌دا یئنه
قلبین، عشقین کیمی تک
توزلانان یوللارا گؤز گزدیره‌رک
آه چکیرسن دئ، دئ ندن؟
لاله، بس‌دیر! اونو گل گؤزله‌مه سن.
کئچ‌دی اوستون‌دن قارا بیر بولوت...
ایچدیین آندی، قوزوم، سن اونوت!
یوز ایل آنسان دا اونو خاطره تک
او وفاسیز قاییدیب گلمه‌یه‌جک...