کولت. آز مممد آرازین "نه بیلیم..." آدلی شئیرینی تقدیم ائدیر:

سن‌دن منه بیر اؤمورلوک خاطره،
من‌دن سنه نه قالاجاق، نه بیلیم؟
چتین بیر ده داش اوسته داش بیتیرم،
نیه اوچدو بو قالاچیق، نه بیلیم...
داماغیم‌دا بال سئودانین تورش دادی
اوشاق آغلیم اینادیما قورشادی.
نه هؤنکوردو بو ناقافیل گورشادی؟
کیمه دئدیم، — دئدی، — آنجاق: «نه بیلیم!»
گونلر منه گون یازماغی اونوت‌دو،
گولوم، گونون گوللری‌می قوروت‌دو.
بو اویون‌دا کیم اودوزدو، کیم اوددو،
پئشیمانی کیم اولاجاق، نه بیلیم؟
من آرازام، سسیم توتقون آرازدی،
ها چاغیردیم، ها یویوردوم، ها یازدیم.
ایندی داها قاینار تبیم آیازدی،
ایسینرمی بیر اود-اوجاق، نه بیلیم...