آنا صحیفه ادبیات |
بیری وار ایدی، بیری یوخ ایدی، دونیادا اوچ گؤرممیش وار ایدی. ایشین ترسلییندن بو گؤرممیشلرین اوچو ده باجی ایدی. بؤیوک باجینین آدی بؤیوک گؤرممیش، اورتانجیل باجینین آدی اورتانجیل گؤرممیش، بالاجا باجینین ایسه آدی بالاجا گؤرممیش ایدی. سیزی ایناندیریرام کی، هئچ واخت بئله گؤرممیش قارشیمیزا چیخماییب. توتاق کی، آتا قارپیز آلیب گتیریر. بؤیوک گؤرممیش یانغینسؤندورهن ماشین کیمی اول اوزون بیر فیت وئریر. سونرا قیشقیریر:
-قارپیزین دادینا اول من باخمالییام. اورتانجیل گؤرممیش پاروخود کیمی اوغولداییر:
-یوخ، یوخ، قتییهن ائله شئی اولا بیلمز. من دورادورا کیمین حاقی وار کی، قارپیزم دادینا باخسین. بالاجا گؤرممیش نازیک سسله اما هوندوردن قیشقیریر: مگر من اؤلموشهم کی، قارپیزین دادینا بیرینجی سیز باخیرسینیز. بئلهجه گؤرممیشلر آراسیندا داوا باشلاییر. بیر ده آییلیب گؤرورلر کی، قارپیز چوخدان یئییلیب قورتاریب. اونلار ایش-ایشدهن کئچدیینی گؤروب اؤزلرینی سیندیرمیرلار. بؤیوک گؤرممیش یانغیندان سونرا سویو سوزوله-سوزوله گئدن یانغینسؤندورهن کیمی آستادان دئییر:
-چوخ دادلی قارپیز ایدی. من اؤمرومده بئله ل اززتلی قارپیز گؤرممیشهم. اورتانجیل گؤرممیش ساحله لؤوبر سالان پاروخود کیمی فیسیلداییر:
-رنگی ده کی، قیپقیرمیزییدی. یقین کی، دونیادا ایکینجی بئله قارپیز یوخدور.
بالاجا گؤرممیش دایاناجاغا یاخینلاشیان ائلئکتریک قاتاری کیمی اوغولداییر:
-بئله یومرو قارپیزلاری آنجاق موزئیلرده تاپماق اولار.
ائله گومان ائتمیین کی، بو گؤرممیشلر حقیقتهن گؤرممیش ایدی و عؤمورلرینده هئچ نه گؤرممیشدیلر. یوخ، یوخ سیز نه دانیشیرسینیز؟ اونلارم آتالاری عقللی بیر کیشی ایدی. گونلرین بیر گونو آتا دوز بیر ماشین قارپیز آلیب گتیردی. قوی اورکلری ایستهیهن قدر یئسینلر. بلکه گؤزلری دویا. آیدین مسئلهدیر کی، باجیلار ماشینا هوجوم چکدیلر. هر بیری بوتون ماشینا صاحب اولماق ایستهدی. اما بو ایشین مومکون اولمادیغمی گؤرهنده بؤیوک گؤرممیش ان ایری قارپیزی گؤتوروب دئدی:
—بو منیم! اورتانجیل گؤرممیش اؤزونو همین قارپیزین اوستونه آتیب دئدی:
—او اؤزوموندور! بالاجا گؤرممیش قیییا چکدی:
—منیمدی! ایشی بئله گؤرهن آتا همین قارپیزی آلیب درهیه توللادی. قارپیز دیگیرلهندی، گؤرممیشلر ده اونون دالینجا. قارپیز آخیردا یئکه بیر داشا دییب پارچا-پارچا اولدو. باجیلار قارپیز قیریقلارینین یانیندا اوتوروب اونون لذتلی قارپیز اولماسی بارهده اوزون-اوزون موباهیسه ائتدیلر.
تاریخ
2020.05.20 / 14:24
|
مولف
زاهید خلیل
|