کولت. آذ آشیق السگرین "گرکدی..." آدلی شعیرینی تقدیم ائدیر:

آشیق اولوب، دیار-دیار گزه‌نین،
اول، باش‌دا پور کمالی گرکدی.
اوتوروب-دورماقلا ادبین بیله،
معریفت علمین‌ده دولو گرک‌دی.
خالقا حقیقت‌دن مطلب قان‌دیرا،
شیطانی اؤلدوره، نفسین یان‌دیرا،
ائل ایچین‌ده پاک اوتورا، پاک دورا،
دالی‌سینجا خوش صدالی گرک‌دی.
دانیشدیغی سؤزون قیمتین بیله،
کلمه‌سین‌دن لعل و گؤوهر سوزوله،
مجازی دانیشا، مجازی گوله،
تامام سؤزو معمالی گرک‌دی.
عاریف اولا، ائیهام ایله سؤز قانا،
نامحرم‌دن شرم ائیله‌یه، اوتانا،
ساعت کیمی میلی حاقا دولانا،
دوغرو قلبی، دوغرو یولو گرکدی.
علسگر حاق سؤزون اثباتین وئره،
عملین ملکلر یازا دفتره،
هر یعنی ایسته‌سه، باخان‌دا گؤره،
طریقت‌ده بو سئودالی گرکدی.