Axar.az
یوخاری


تورک میللتی، گؤرولممیش، بویون بوکسون، یالوارسین- شئیر

آنا صحیفه ادبیات
12 Punto 14 Punto 16 Punto 18 Punto

کولت. آز حسین جاویدین "قوجا تورکون وسیتی " آدلی شئیرینی تقدیم ائدیر:

یاورولاریم! ائی اؤمرومو شنله‌ن‌دیره‌ن، گول‌دوره‌ن،
آلنی آچیق اوغوللاریم، گؤزل، یوسما قیزلاریم،
بیر قایه‌سیز اوچوروم وار، آیریلمییور اؤنوم‌دن،
اؤمروم وفا ائتمز بانا، بلکه پک آز یاشاریم.

آرتیق بانا دار گلیور هپ شو انگین اوفوقلر،
سانکی روحوم قاناتلانیب شیم‌دی پرران اولاجاق.
قارشیمیزدا یانغین کیبی گؤرونه‌ن آل شفقلر،
احتیمال کی، یارینکی گون بنی سؤنموش بولاجاق.

اجل گوج‌لو، بن گوج‌سوزوم، کیم‌سه اوندان قورتولماز،
توپلاشینیز، واردیر سیزه بیر قاچ سؤزوم، دینلیین.
گئتملییم، وسیت‌سیز اؤلسه‌م روحوم شاد اولماز،
قولاق وئرین سؤزلریمه، بیرر-بیرر بللیین.

ایلک ایستییم: هیچ بیر زامان سئوگی‌دن ال چکمیین،
اینسان اوغلو سئوگی ایچین یاراتیلمیش، دوغموش‌دور.
یئر یوزونو قارداش بیلین، اینسان قانی دؤکمیین،
بو دونیادا بیر قاشیق سو چوق ظالملار بوغموش‌دور.

کیم‌سه‌یه کین باغلامییین، ییگیت اولون، مرد اولون،
ویجدانینیز ائلماس کیبی نور ساچاراق پارلاسین.
قونوم-قومشو، یاقین-اوزاق هر کسله همدرد اولون،
قیریق گؤنوللری یاپین، بیراقمییین سیزلاسین.

ظلمه هرگیز یاقلاشمییین، دوغرو یول‌دان شاشمییین،
تانری حاق‌دیر، حاقی سئور، عدالت‌دن خوش‌لانیر.
یالتاقلیغا ایمرنمیین، کیبره هیچ یاناشمییین،
اؤز حاقینی بیلمه‌یه‌نلر ان سونون‌دا داش‌لانیر.

آرسلان کیبی جسور اولون، فقط حاق‌سیز چیقمایین،
هاقسیزلیغا قارشی قویون، بیراقمایین شیمارسین.
ظالملاری، جللادلاری چئینیین، هیچ قورقمایین،
تورک میللتی، گؤرولممیش، بویون بوکسون، یالوارسین.

باق! شو یان‌دا گولومسویه‌ن یئنی دوغموش آی ندیر؟
شفقلرین دوغوردوغو بیر قیزدیر کی، هر یئرده
تورک آدینی اعلان ایچین بیر سماوی آینه‌دیر،
ایشته! بیزیم تاریخیمیز… هم یئرده، هم گؤیلرده.

ائی سئوگی‌لی قوزولاریم! سیزدن بن آیریلیرکه‌ن،
بن‌دن سیزه سون وسیت: هرگیز محضون اولمایین.
ویجدانیملا، ناموسوملا یاشار، حاقی بیلیرکه‌ن،
گوجلوک‌مو وار همتینه قاووشماق‌دا تانرینین!؟

ناموس، ویجدان اینسانلاردا ایکی بؤیوک قانات‌دیر،
اونلار ایله آد‌م اوغلو یوکسک گؤیلردن آشار.
ناموس، ویجدان بیزلر ایچین دای‌می بیر حیات‌دیر،
تورک ائلی هپ او هیسس ایچین دوغموش، اونونلا یاشار.

بیر میللتین تاریخی‌دیر کؤکو، یوردو، یوواسی،
تاریخینیز باش اوجون‌دان هرگیز اسکیک اولماسین.
«آلتای» داغی، «ماکان» چؤلو، هم ده «یاسین» اوواسی»
بیرر آیدین صحیفه‌دیر، هر تورک گرک آنلاسین.

سودو تمیز، اصیل اوغول بیلمزمی کی، اجدادی
ناسیل دوغوب یاشامیشلار، نه ارلیکلر اتمیشلر.
بیلمه‌لی کی، تئز محو ائدر زامان نانکور ائولادی،
اؤز نسلینی اونوتانلار چوق‌دان سؤنوب گئتمیشلر.

بیر میللت اؤز کؤکو اوسته بیتر، بؤیور، یوکسلیر،
کؤک‌سوز آغاج چابوق قورور، چیچک آچماز، بار وئرمز.
باقین، گؤرون تاریخینیز سیزه نلر گؤستریر،
هپ شرف، هپ بؤیوکلوک‌دور، آنجاق شاشیلار گؤرمز.

مرد آتالار ییگیت‌لیک‌ده نام آلمامیش یالینیز،
تا اسکی‌دن اونلاردا وار علم، حیکمت هوه‌سی.
گونش کیبی تاریخلری پارلاتییور، باق‌سانیز،
سمرقندین دارولفونونلاری، رسدخانه‌سی.

اوت، آرسلان یاورولاریم! تورک ائلی هپ شان‌لی‌دیر،
ائلماس کیبی لکه‌سیزدیر، ساقین، قافیل اولمایین.
عصر، ایگیرمینجی عصردیر! وظیفه‌سی پک آغیر…
آرش ایلری!
قومشولار یول آلدی، گئری قالمایین!

تاریخ
2020.05.22 / 22:57
مولف
آینورا مممدووا
شرح لر
دیگر خبرلر

سنه باغلادیغیم اوره‌یی بوراخ- شعیر

روقیه کبیرینین دوشرگه رمانیندان کیچک بؤلوم

تانییاق و تانیداق: فریبا ایبراهیمی آفاق

مئی‌سیز، مزه‌سیز جان ایله جانان اولا بیلمز!- شعیر

اؤیله سرمستم کی، ایدراک ائتمزه‌م دونیا ندیر- غزل

اوچ قیللی کوسا -حکایه

قوشقار، ساوالان دایاغی کوریینین ساغ‌لیغینا!- شعر

ایستیقلال، او وطنین کؤکسون‌دن یوک‌سه‌له‌ن آی- شعیر

گؤزلری خان قیزی،اللری، فهله بایراغینین قابار گونشی! - شعر

کاسا دوشدو طاقچادان، داغیلمیشدی ائو ائشیک... - اوشاق ادبیاتی

خبر خطّی
 
Axar.az'da reklam Bağla
Reklam
Bize yazin Bağla