کولت. آذ رمضان بایرامی موناسیبتی ایله آشیق السگرین ان گؤزل عرفان شعیرلرین‌دن اولان دیوانی‌سینی تقدیم ائدیر.

الستیده «بلی» دئیه‌ن صبحانا باش ائندیریر.
محمده نازیل اولان قرانا باش ائندیریر.
اؤزو بیردی، آدی مین-بیر، وحده لاشریک؛
اهلی-مؤمن گؤره بیلمز، پونهانا باش ائندیریر.

اؤلمیینجه بو سئودادان چتین دؤنه‌م، اوسانام؛
حقیقت‌دن درس آلمیشام، طریقت‌دن سؤز قانام.
شاهی-مردان سایه‌سین‌ده علم ایچین‌ده عمانام؛
دریالارین قایداسی‌دیر، عمانا باش ائندیریر.

بیچاره آشیق السگر، اولما علمه نابلد؛
دانیشان‌دا دوغرو دانیش، سؤزون چیخماسین غلط.
چوخ قازانسان، آز قازانسان، بئش آرشین آغدی خلعت؛
وار-دؤولته باش ائندیره‌ن افسانه باش ائندیریر.