آنا صحیفه ادبیات |
کولت. آذ روبریکاسیندا "گونوموزون گونئی آذربایجان ادبیاتی نمایندهلرینی تانیتماغا داوام ائدیر:
گونئی آذربایجاندا سون چاغین دینامیک اینکیشاف ائدن ادبیاتا، اؤزللیکله پوئزییایا نظر سالدیقدا بورادا یاشایان خالقین اؤزونمخصوص کولتورو، ادبیاتی، کیتاب مدنیتی، سؤزیاراتما قودرتینین نه قدر یوکسک اولدوغو یانسیییر. محتشهم مدنیت یارادان بیر خالق، سوسمایان دیلی، اؤزونو، کیملیینی، تاریخینی اؤیرهنمک ایستهیهن شاعرلری اولان خالق ایسه دونیا تاریخیندن هئچ واخت سیلینمیر، ابدیاشارلیق قازانیر...
بئله یازارلاردان بیری ده لیلی کهالیدیر. او، ۱۹۷۷-جی ایلده زنگان شهرینده آنادان اولوب. ایبتیدای و اورتا مکتبی تهراندا بیتیریب، داها سونرا تحصیلینی فلسفه اینستیتوتوندا داوام ائتدیریب. رساملیق و ترجومه صنعتی ایله ده مشغولدور.
ایلک کیتابی ۲۰۱۳-جو ایلده تهراندا ایشیق اوزو گؤروب.
تکلییمده خیال آپاریر منی،
سن وارسان، من وارام،
سئوگیمیز ده وار.
گولر خاطرهلر، آغلادیر منی،
اؤزومه گلیرم
سن وارسان، من وارام
سئوگیمیز ایسه!..
***
قار یاغیر
قار اوستونه...
ایزلریمیز ایتیر
آدلاریمیز قالیر آیاق آلتیندا
سسلریمیز...
و قار آداملاری نه آغلاییر، نه گولور!
قار یاغیر
یوخولاریمیزدا دونور گؤیرچین یوواسی...
دیلیمیزده دونور سئویرم سؤزجویو
و قارغالار دسته اوچور
مور کؤینییندن کوچهنین...
سونرا ویترین کیمی گؤزلرینده
ماوی ساتیر اورییمی بازار
قانلی آلیر...
و قار یاغیر حسرت اوستونه
و قار یاغیر ...
تاریخ
2020.05.26 / 14:13
|
مولف
آینوره مممدووا
|