کولت. آذ علی کریمین "ایکی سئوگی" آدلی شعیرینی تقدیم ائدیر:

گؤزل قیز، سن صاف سوسان،
ایکی قلب آرزوسوسان.
من سنی سئویرم
سوسوسزلوغون اود ووروب کؤز کیمی یاندیردیغی
دوداق سو سئوه‌ن کیمی.
او ایسه سنی سئویر
راحتجا بارداش قوروب،
- کاباب اوست‌دن سرین سو پیس اولماز - دئیه‌ن کیمی
گؤزل قیز، سن ایشیق‌سان،
یوردوما یاراشیق‌سان.
من‌سه سنی سئویرم
اینه‌نین اوجو بوی‌دا
ایشیغا هسرت قالان گؤز ایشیق سئوه‌ن کیمی
او ایسه سنی سئویر
بیر شن ماغاردا، توی‌دا،
ایشیقلاردان یارانمیش یاراشیق سئوه‌ن کیمی.
دانیش، اوجال‌سین سسین،
قیسیلماسین نفه‌سین.
من کی سنی سئویرم
باکی‌دان، داشکه‌سه‌ن‌دن
گلن بیر سدا کیمی،
سس کیمی،
قودرت کیمی
او ایسه سنی سئویر،
گیزلی دئییل کی سن‌دن،
بیر اوتاق کونجون‌ده‌کی قم‌لی سوکونت کیمی.
بو من، بو او، بو دا سن،
دئ گؤرک نه دئییرسن!
اما یاخشی فیکیر وئر بو ایکی مهببته.
داها هئچ نه دئمیرم
نقطه، نقطه و نقطه...