کولت.آذ گونئیلی اوخوجولار اؤجؤن رومانتیک رؤبایلری تقدیم ادیر:
دۇيقۇ، دۆشۆنجهيله دوْلدۇغۇم زامان،
کؤنلۆمده آيدێنلێق بۇلدۇغۇم زامان.
آنلادێم گئرچکدن اؤزگۆر بیریيم،
يالنێزجا يوْللاردا اوْلدۇغۇم زامان.
*
گنجلیک دۇرماياراق باش آلێب گئتدی،
گؤزل قێز قوْنشۇمدۇ، قاش آلێب گئتدی
سئویشمک ایستهرم،- سؤيلهدی توْرپاق،
بۇلۇت گۇرلاياراق بوْشالێب گئتدی.
*
آخشام آي ایشێغێ کؤکسۆنۆ يالار،
يالايێب گؤزللیک ذؤوقۆنه دالار.
سێجاق ياز گئجهسی، دنیز گیزملی،
سوْيۇن گل، توْخۇنماق دیلر دالقالار.
*
منیم قۇلاغێمدا بیر مۇسیقی وار،
اوْنۇ سن يازمێشدێن، سئودیجهيیم يار.
سنین نفهسینین پێچێلتێسێدێر،
ائشهلر کؤنلۆمده درین دۇيقۇلار.
*
آخار دامارێندا سئویملی آهنگ،
يا بیر رۆباب دینله، يا قانۇن، يا چنگ.
من ده گۆلۆستاندان گۆللر درهرک،
سنین چۆن توْپلامێش اوْلايێم چلنگ.
*
باغچادا دوْلاشێب گۆل دریشیندن،
گؤزل دۇيقۇلارا بوْل اریشیندن.
سن منی هله ده اۇنۇتمامێشسان،
شاد اوْلدۇم سئوگیلر گؤندریشیندن.
*
يارێن گۆن دوْغارکن گلهجهيین وار،
گلیب ائویمیزده گۆلهجهيین وار.
کؤکسۆمده يئرلشن اؤيکۆلریمدن،
دینلهيیب کؤنلۆمۆ بیلهجهيین وار.
*
قلبیمده گؤزللیک چاغلار بۇ آخشام،
کؤنلۆمۆ کؤنلۆنه باغلار بۇ آخشام.
ایچیمده وار اوْلۇش دۇيقۇلارێم بوْل،
سئوگینله يۆکسهلیش ساغلار بۇ آخشام.
*
ياشێل اوْرمانلاردا گؤزللیکدن يۆک،
گۆنش گؤي اۆزۆنده پارلاق و بؤيۆک.
من سنین سئوگینله يۆکسهلر اوْلدۇم،
کؤنلۆمده يئرلشمیش بیر يۆکۆملۆلۆک.
*
دوْغرۇلۇق يوْلچۇسۇ اوْلماق ایستهسن،
آيدێنلێق دۆشلرله دوْلماق ایستهسن.
بیلگیلن، بیلگیسیز يۆرۆمه يالنێز،
اۇسلۇ اوْل، گئرچهيی بۇلماق ایستهسن.
*
ان بؤيۆک امکدی، اۇغراشدێ، سئوگی،
ایمکانسێز اوْلانلا اۇغراشدێ سئوگی.
آغرێلار اؤنۆنده پارلاقلاشاراق،
قارانلێق دۆنيالار دوْلاشدێ سئوگی.
*
بیریکدیر دۇيقۇنۇ، دۆشلرینله، گل!
گۆنشدن ياز دئيیر سئودیگیم گؤزل.
بیزسیز وار اوْلمۇشدۇر، بیزدن سوْنرا دا،
ایشێق پايلاشاجاق، دۇرماز بۇ عمل.
*
بؤيله بیر دۇرۇمدا سئویشمک دۆشۆن!
سئویشمکدن اۇزاق دۇرماسێن دۆشۆن.
ياخلاش، دوْداغێندان اؤپۆجۆکلر سۇن!
قايناشێب، کؤنلۆمه دوْلسۇن گۆلۆشۆن.
*
دئيیرسن، اۇيقۇمدا آغرێلار واردێ،
اؤيله بیر آغرێ کی، کؤنلۆمۆ ساردێ.
چئورهمده بۇلۇنان سئودیکلریمدی،
توْرپاغێن آلتێندا اۇيۇيانلاردێ.
*
کندی دۆشۆنجهنی سؤزلهيیشیندن،
منیمله سئویشمک اؤزلهيیشیندن.
نه دنلی قوْنۇشسان دینلهرم سنی،
بئیینله وارلێغێ گؤزلهيیشیندن.
*
گؤزل سؤز اۆرکلر مۇسیقیسیندن،
يوْغرۇلار دیلکلر مۇسیقیسیندن.
هر آددێم بیر اوْلۇش گؤسترگهسیدیر،
دوْغرۇلار ارکلر مۇسیقیسیندن.
*
بیر آز هايقێرێش قات مۆجادیلهنه،
خانێمسان، بیر آز دا گؤزللیک دئنه!
چئورهنی قارانلێق سارمالامێشسا،
کؤنلۆنده آيدێنلێق چاغلاسێن يئنه.
*
ازیلن اینسانلار يانێندا دۇرماق،
اوْنلارێن دردینی دۇيۇب دۇيۇرماق.
اردمدیر، بیلمیش اوْل، بؤيۆک بیر اردم،
گؤزلدیر حياتێ اردمله قۇرماق.
*
آيدێنلێق گئجهيدی، اۇلدۇزلار پارلاق،
هر کس اۇيقۇدايدێ، يالنێز بیز اوْياق.
و بیر ده ساکین بیر ياز دنیزیيدی،
من ده قۇلاغێنا پێچێلداياراق.
*
يازدێ، ایلک سئویشمک تجرۆبهمیزدی،
بیر يان اوْرمان ایدی، بیر يان دنیزدی.
دوْداقلار امیشیب ذؤوقه دالدێقجا،
بیزیم کؤنلۆمۆزده دوْلاشان گیزدی.