کولت. آز گونئل مئهرینین «سئوگی» آدلی ائسسئ‌سینین تقدیم ائدیر.

بیلیرسن‌می؟

اؤیرندیم کی، سئوگی تکادام‌لیق دا اولورموش،

اؤپوشمکله دئییل، باخیشماقلا دئییل، ائله اوزاق‌دان مسافه‌لره ده سیغیرمیش سئوگی...

اؤیرندیم کی، سئوگی ائله یاریمچیق قالان‌دا، نیدایلا دئییل، نقطه‌لرله تامام‌لانان‌دا گؤزلمیش!

مؤهتشممیش!

سئوگی اعترافلارا سیغمایان، سؤزلره سیزمایان، تسل‌لیلره احتیاج دویمایان بیر نسنیمیش!

سئوگی ۵ حرف‌لیک سؤز، ۳ کلیمه‌لیک جمله دئییلمیش!

آیریجا بیر دیلمیش قوش دیلی کیمی – هامینین آنلامایاجاغی،

آنا دیلی تک دوغما و هزینمیش سئوگی...

آنلادیم کی، سئوگی عؤمور بویو گئدیب وارمایاجاغین بیر یولموش! سن ده بو یولون یورولمایان یول‌چوسو!

اصلین‌ده بونلار دا دئییل ائ.

حقیقتین دیبینه وارسان،

سئوگی هان‌سی‌سا بیر دؤنه‌م هان‌سی‌سا حرفه یا رقه‌مه تاپینماق‌دیر،

هر یئرده، هر بوجاق‌دا همین حرفی آنماق‌دیر،

همین رقه‌می ۱۰۰ رقه‌مین ایچین‌دن سئزمک‌دیر،

سونرا دا گونون بیرین‌ده ائله همین رقه‌م‌دن، او حرف‌دن دیک‌سینمک‌دیر، کوسمک‌دیر.

سئوگی ۱۰۰ زنگین، ۱۰۰۰ مئساژین ایچین‌ده هئچ واخت گلمه‌یه‌نی آختارماق، آختارماق و بیر ده آختارماق‌دیر!

سئوگی – آلدانیلدیغینی بیله-بیله اینانماق، لابیرینت‌ده ایتدیینی گؤره-گؤره دلیجه‌سینه یول آختارماق‌دیر،

سئوگی – قوروماق‌دیر، بیلیرسن‌می؟

اؤزونو هامی‌دان و اونا گؤره!

اونو – هر کس‌دن، خبر توتماسینلار دئیه!

سئوگی قانادسیز قانادلانیب اوچماق‌دیر!

ماهنیلارا، شئیرلره کؤچمک‌دیر!

۲ آدام‌لیق شار دوزلدیب هامی‌دان و هر شئی‌دن اورا دالدالانیب گیزله‌نمک‌دیر!

ائشیدیرسن‌می؟

سئوگی – آجکه‌ن توخ اولماق‌دیر!

یورغونکه‌ن ائنئرژی تاپماق، ایستیکه‌ن اوشومک، سویوقکه‌ن قیزدیرماق!..
۱۰۰ آدامین ایچین‌ده تکله‌نمک، تک ایک‌ن جوت اولماق‌دیر سئوگی!

دونیانی اهوالینین رنگین‌ده قاوراماق‌دیر!

حیات بوزکه‌ن هر یئری چهرایی گؤرمک،

یاخود دا عکسینه، ان رنگارنگ تابلونو گؤرمزدن گلمک‌دیر!

سئوگی – هان‌سی‌سا بیر آنی رئزین تک اوزاتماق، اوزاتماق ایستیی‌دیر.

کینولئنتی تک تکرار-تکرار بئینین‌ده چئویرمک‌دیر!

یا دا هان‌سی‌سا گونلری قووماق، گؤرمزدن گلمک، اوستون‌دن ختت چکمک‌دیر!

هم)) سئوگی – گونون بیرین‌ده اؤزونو اونوتماق‌دیر!

اؤزون‌دن واز کئچمک‌دیر!

من‌دن سنه، سن‌دن بیزه قدر یول قتت ائتمک‌دیر سئوگی!

سئوگی... سئوگی اصلین‌ده ووروب ییخماق، داغیتماق‌دیر.

باس‌دالاماق، ازیب کئچمک‌دیر بوتون دیرلری، اولانلاری-قالانلاری!

سئوگی – قوروجو، یاشادیجی دئییل کی، عزیزیم!

گل، اؤزوموزو آلداتمایاق!

سئوگی - ان تهلوکه‌لی، ان دهشت‌لی هیسس‌دیر!

و بوتون بونلاری بیله-بیله دئییرم، دئییرم کی،

سئوگی – منیم دیلیم‌ده «سنی سئویرم»، دئمک‌دیر!

و من بونو دئدیم!)