کولت. آذ صمد وورغونون حیات یولداشینا یازدیغی "خاوره" آدلی شعیرینی تقدیم ائدیر:

آغزی خئییر سؤزلوم، اینجیمه من‌دن،
یار یاردان آیریلماز، بولبول چمن‌دن.
دئمه کی، دوشموش‌دور ساچلاریما دن،
اورک قوجالماییر، اورییم سن‌سه‌ن.
من قول اولمامیشام شهرته، آدا،
سن‌سیز یاشاماییم بیر گون دونیادا.
گؤزللر، جانانلار مین-مین اولسا دا،
منیم بو دونیادا ملییم سن‌سه‌ن.
کؤنول هئچ دویارمی سن تک گؤزل‌دن،
سن اولدون قیسمتیم حکمو-ازلدن.
ساغ اولسون بو خئییر ایشی دوزلدن،
مقدس امییم، دیلییم، سن‌سه‌ن.
یوسیفین، واقیفین گؤروم وار اولسون!
آیبنیز هامی‌دان بختیار اولسون!
یوز ایل ده وورغونا خاور یار اولسون!
ان عزیز سیرداشیم، کمکیم سن‌سه‌ن!