کولت. آذ دده علسگردن " باشا باش " آدلی جیغالی تجنیس تقدیم ائدیر:

آ بی مروت حسرتینی چکمکدن،

ایللر ایله خسته دوشدوم باشا -باش.

من آشیغام باشا- باش،

اوخو درسین باشا -باش،

عشقیندن سمندرم،

اودا یاندیم باشا- باش،

جان دئینه جان دئگینن مردانا،

باش قویانین قوی یولوندا باشا- باش.

سندن آیری هاچان گئیسم آل ،اینجی،

گئینیبسن یار قددینه آل اینجی.

من آشیغام آل اینجی،

گئی قددینه آل اینجی.

دوستا خیانت اولماز،

قورما منه آل اینجی!

بیر جانیم وار ،آلاجاقسان آل اینجی

بیر بوسه وئر ،سئودا ووراق باشا- باش.

علسگرم دردیم بودو آی ، آغا!

عینیم یاشی نئیسان کیمی آ یاغا.

من آشیغام آی آغا،

پیلته یانار آ یاغا.

مرد سؤزون اوزه سؤیلر،

هئچ یاپیشماز آیاغا.

گاه باش اولان گاه دا دوشر آیاغا،

کیمسه وورماز فلک ایله باشا -باش،

دده علسگر