کولت. آذ جابیر نووروزون "اللها قالیب دونیانین ایشی..." آدلی شعیرینی تقدیم ائدیر:

اللها قالیب دونیانین ایشی،
قیامت گونو گلیر دئیه‌سه‌ن…
بختی، تالعیی دویونه دوشوب،
یوخ‌دور صاحبی، یوخ‌دور ییه‌سی…
ائله یئری یوخ قان تؤکولمه‌سین،
ساکیت گوشه‌سی قالماییب آزجا…
اینسان اینسانین باشینی کسیر،
اؤلکه اؤلکه‌نی قویور هرراجا…
خاریجی زنگین، داخیلی یوخسول،
ایتیب اینصافی، ایمانی، دینی…
اهالی‌سین‌دن سلاحی چوخ‌دور،
مرحمتین‌دن غضبی، کینی…
محبتی قیت، نیفرتی سون‌سوز،
اود-آلوو گئییب اؤز اینینه او…
هامینی قیریب قالاجاق سون‌سوز،
یئنه دؤنه‌جک بوز دؤورونه او…
نه گئدنینه حؤرمت بسلییر،
نه گلنینین توتور الین‌دن…
بومبا بؤیودور، راکت بسلییر
اوغول یئرینه، اوشاق یئرینه…
میللتلر یئییر، دیللر آسیرلار،
غربین‌ده قیرغین، شرقین‌ده قیرغین…
اوردا کسیرلر، بوردا آسیرلار،
آوروپا قورخور، آسییا قورخور…
اللها قالیب دونیانین ایشی،
الله دا دادا چاتماییر داها…
چیخسین اورتایا بیر ار، بیر کیشی،
خلاص آراسین خسته دونیایا…
اکرانلار یانیر، یانیر قزئتلر،
آخیر سئل کیمی خالقلارین قانی…
جنوب فاجعه، شیمال مصیبت،
پارچا-پارچادیر آذربایجانیم…
چاغیرین، اولو قالیله گل‌سین،
کورره‌سی چیخیر اؤز محورین‌دن…
دیو جانی شوشه ایچین‌ده – عرضین،
جانی راکتین دویمه‌لرینده…
بؤیوک بازاردیر یئر اوزو سانکی،
آلیش-وئریش‌دیر هامینین درسی…
میللت ساتان کیم، بومبا ساتان کیم،
ویجدان ساتان‌سا سایسیز، قدرسیز…
دریسی چوخ‌دان سویولوب اونون،
اؤز مزارینی اؤزو قازدیریب…
بو گونو کارتا قویولوب اونون،
صاباحی نازیک توکدن آسی‌لی‌دیر.
اللها قالیب دونیانین ایشی،
قیامت گونو گلیر، دئیه‌سه‌ن…
بختی، تالعیی دویونه دوشوب،
یوخ‌دور صاحبی، یوخدور ییه‌سی…