کولت. آذ علی اکبر صابراین "نه ایشیم وار" شعرینی تقدیم ائدیر:

ملّت نئجه تاراج اولور اولسون، نَه ايشيم وار
دشمنلَره محتاج اولور اولسون، نَه ايشيم وار
قوي من توخ اولوم،اوزگه لرايله نَه دي كارِیم
دونياوجهان آج اولور اولسون، نَه ايشيم وار

سس سالما،ياتانلار آييلار،قوي هله ياتسون
ياتميشلاري راضي دئیلم كيمسه اوياتسون
تك تك آييلان وارسا دا حق داديما چاتسون
من سالیم اولوم جمله جهان باتسا دا باتسون
ملّت نئجه تاراج اولور اولسون ، نَه ايشيم وار
دشمنلَره محتاج اولور اولسون ، نَه ايشيم وار

سالما ياديما صحبت تاريخ جهاني
ايّامِ سَلَفدن ديمه سوز،بيرده فلاني
حال ايسه گتور ميل ايليوم دولماني ناني
مستقبَلي گورمك،نه گَرَك ، عمردي فاني
ملّت نيجه تاراج اولور اولسون ، نَه ايشيم وار
دشمنلَره محتاج اولور اولسون ، نَه ايشيم وار

اولاد وطن قوي هله آواره دولانسون
چیركاب سفالتله ائله باشي بولانسون
دول عورت ايسه سائله اولسون اودا ياتسون
آنجاق منيم آوازه شأ نم اوجالانسون
ملّت نئجه تاراج اولور اولسون ، نَه ايشيم وار
دشمنلَره محتاج اولور اولسون ، نَه ايشيم وار