کولت. آذ احمد جاوادین "آیریلماز" آدلی شعیرینی تقدیم ائدیر:

سئوه‌ن کؤنلوم سئودی سنی،
سئوگی جان‌دان آیریلماز!
را یبیم اول، یولوم گؤستر،
دین ایمان‌دان آیریلماز!
پنجره‌یه نه قون‌موسان؟
یوخ‌سا بنی سن آنمی‌سان؟
یوزسه‌ن، مین‌سه‌ن، میلیون‌موسان؟
روح گومان‌دان آیریلماز!
گوندوزوم تار، گئجه‌م‌سه یوخ،
سئوینجیم آز، کدریم چوخ!
دیلیم قابار، سؤزوم «آه»، «اوخ»،
آه آمان‌دان آیریلماز!
مجنون چؤل‌ده، من مئشه‌ده،
جانیم دیو تک بیر شوشه‌ده.
گؤزوم قالیب بنؤوشه‌ده،
قوش اورمان‌دان آیریلماز!
کول دیبین‌ده بیتره‌م من.
بولبول اولوب اؤتره‌م من!
داغا قالخ‌سام، ایتره‌م من،
داغ دومان‌دان آیریلماز!
دؤوران آتار شئش-بئشینی،
یئله وئرر پئشکشینی!
ایندی‌سینی، کئچمیشینی،
سؤز زامان‌دان آیریلماز!
کیمی آغلار، کیمی گولر،
گؤز یاشی‌می کیملر سیلر؟
بالیق بیلمز، خالیق بیلر،
گون جاهان‌دان آیریلماز!