کولت. آذ رامیز رؤوشنین "بو قطارین دالینجا باخما..." آدلی شعیرینی تقدیم ائدیر:

منی آلدی سن‌دن، گئت‌دی بو قطار،
گؤی‌ده بیرجه اوووج توستوسو قالدی.
ساچین‌دا الیمین توماری قالدی،
اووجون‌دا الیمین ایستی‌سی قالدی.
باخما، بو قطارین دالینجا باخما،
باخما، گؤزلرینی یورونجا، باخما.
قاشلارین آلتین‌دا جوت یارپاق کیمی
گؤزلرین سارالیب سولونجا، باخما.
اوزاق‌دان، یاخین‌دان کئچر بو قطار،
گئجه‌لر یوخون‌دان کئچر بو قطار.
گولسه‌ن، گولوشونو دوغرایار، بیچر،
آه چکسه‌ن، آهین‌دان کئچر بو قطار.
من گئتدیم، دونیا کی قالدی یئرین‌ده.
دونیانین پاییزی، باهاری قالدی.
اووجون‌دا الیمین ایستی‌سی قالدی،
ساچین‌دا الیمین توماری قالدی...