کولت. آذ سئیران جاوادووون "ایستییرم" آدلی شعیرینی تقدیم ائدیر:

ایستییرم، دونیا
اوزون‌دن
تئز چیخیب گئده‌سن،
ایلیم-ایلیم ایتیب
بیر داها گؤرونمه‌یه‌سه‌ن!
اورکلری، کؤنوللری
سیخمایاسان، اینجیتمه‌یه‌سه‌ن!
ایستییرم،
اینسانلار راحت نفس
آلسین،
هاوا دارلیغین‌دان
بوغولماسین.
هر گون سحر ایشه
گئت‌سینلر،
اوگولکی تک چالیش‌سینلار،
قوروب-یارات‌سینلار،
هر آخشام ائولرینه
تلس‌سینلر!
ایستییرم، آداملار تاخدیقلاری
ماسکالاری تئز چیخارسینلار،
بیر داها اونو
تاخماسینلار،
ماسکالانماسینلار.
بون‌دان بئله
بیر داها
آرالارین‌دا مسافه
ساخلاماسینلار!
چیین-چیینه وئریب
یئنی زیروه‌لر فتح
ائتسینلر!
اوشاقلار، گنجلر درس‌دن،
تحصیل‌دن
قالماسینلار.
هونرله، ظفرله
اینسانلیغین آدینی
گؤیلره اوجالت‌سینلار!
ایستییرم، اؤلکه‌لر،
دؤولتلر
آراسین‌دا
سرحدلر بیر داها
باغلانماسین.
اینسانلار آزاد قوشتک
ایستدیکلری
اؤلکه‌لره، شهرلره
گئدیب-گل‌سینلر!
ایستییرم، اینسانلار
"جووید-۱۹» آدلی
ویروسون،
خستلیین
یاراتدیغی مزارلیغین
ساکینلری اولماسینلار!
آداملار اؤز دوغمالارین‌دان،
عزیزلرین‌دن
آیری دوشمه‌سینلر!
ان آغیر واخت‌دا
بیر-بیرینین یانین‌دا
اولسونلار،
کمکه یئتیش‌سینلر!
ایستییرم،
کنسرت سالونلاری،
یاریش، ایدمان میدانلاری
اوولکی ایزدیهامینی یاشاسین!
کوچه‌لر، یوللار،
شهرلر
اینسان آخینی ایله
هر گون، هر آن
دولسون، بوشالسین -
بوش قالماسین!
ایستییرم،
توی-دویونلر،
چال-چاغیرلار،
اؤز عادتی
آخارییلا
داوام ائتسین!
قیزلار "واغزالی»یلا
گلین کؤچسونلر،
اوغلانلار بی‌لیک
تاختینا چیخسینلار!
نسیللر آراسین‌دا
مسافه اوزانماسین،
کسیلمه‌سین!
کوروناویروس، بیلیرم،
بیر گون گلدیین
کیمی
بیر گون ده چیخیب
گئده‌جکسه‌ن،
دونیامیزی ترک
ائد‌جکسه‌ن!
اما یامان قورخوتدون
بیزی،
بیر آز دا سئیرلتدین
سیرالاریمیزی.
چوخ یئره یوزدوق
گلیشینی.
آز دا قینامادیق
اؤزوموز اؤزوموزو!
آنجاق سن‌دن
بیر ایستییم وار.
هئچ اولماسا، بیر
یاخشی
ایشینله
گؤستر اؤز گوجونو،
نیه قادیر
اولدوغونو.
یو، تمیزله
گوناهلارینی،
اینسانلاری ائوده
ساخلادیغین،
دوستاق ائتدیین
کیمی!
ایستییرم، بون‌دان
سونرا
بوتون پیس‌لیکلری،
بد عمللری دوستاق
ائد‌سه‌ن،
بوراخمایاسان
دونیا آدلی ائویمیزین
کانداریندان ایچری!