کولت. آذ آشیق آلینین "وئرمره‌م سنی..." آدلی شعیرینی تقدیم ائدیر:

باشینا دؤندویوم، آ نازلی دیلبر،
جیسمی‌ده مین جانا وئرمره‌م سنی.
عالمین مالینی جمع ائیله‌سه‌لر،
چکسه‌لر بیر یانا وئرمره‌م سنی.
بویون سوراهیدی، اندامین شوشه،
سوراغین محال‌دان-محالا دوشه،
فرهادا، شیرینه یوز مهلت کئچه،
بهیشتی قیلمانا وئرمره‌م سنی.
داغلاردا مارال‌سان، دوزلرده جئیران،
درلیز، ناخچیوان بویونا حیران.
نه گنجه، قاراباغ، شاماخی-شیروان،
کوللو-گرجستانا وئرمره‌م سنی.
ایقبال‌دا سنانی، خوماری سئچک،
پیمان‌دا کرمی، اصلینی سئچک.
ایمانا، ایلقارا باهم آند ایچک،
تاختی-سلیمانا وئرمره‌م سنی.
آلی قوربان او قامته، او بویا،
باخدیقجا چهره‌ندن چتین کی، دویا.
تهرانا، تبریزه، مرنده، خویا،
تامام اول ایرانا وئرمره‌م سنی...