کولت. آز موغان‌لی شاعر محمد نورینین شئیرینی تقدیم ائدیر:

کتان شئیرلریم بیچیلیر نازیک بده‌نینه
"بن‌دی گوموش"
کؤینیینه داغیلیر بارماقلاریم

دفتریم‌دن کئچه‌ن کوچه‌لری سو آلیر
چیرمالانیر خان آراز
تبریزین جیلدینه گیریر مشروته چاغیم.
شئیر گؤزلرینه دولوب آرازی کؤرپودن آشیرماق‌دیر،
آشیب-داشماق‌دیر.

ساچین یئللرین موقاویله‌سی‌دیر
سویون شئیرینی یازان‌دا
قافقاز قیزلاری یویونوردولار
تورکمه‌ن چایین‌دا
"گؤردوم بئهال اولدوم، بئهال"

وئران‌دا ائولرین آیاقلارینی یئردن اوزور
گونش مواشیقا توپلومونا ساچلارینی دعوت ائدیر.
گونش کونسئرتینه گئدیرم،
گونش بده‌نین
بئیت
به
بئیت
آزادلیق پالتارینی گئیینیر گوندوزلر،
و موسا گونلری آراسین‌دان کئچیردیر پنجره‌لری.

باخ!
سودان قورو چیخیر یونوس
سویا یازیلیر اینس
ماژور
مینور
"بن‌دی گوموش"
بالیققولاغی دنیزین پیچیلتی‌سی‌دیر تانرییا.
پنجره‌لر هاردان باشلاسا باخماغا،
اورمو فلامینقولارین گؤزیاشی‌دیر.